Modernizohet transporti publik, nis testimi i autobusit të parë elektrik
Veliaj: Kompanitë private të fillojnë porositë
Ka
nisur testimi i auto busit të parë elektrik, çka shënon një hap më tej drejt modernizimit të transportit publik në kryeqytet. I pranishëm në këtë ngjarje ka qenë edhe kryebashkiaku Erion Veliaj i shoqëruar nga ministri i Infrastrukturës dhe Energjetikës, Damian Gjiknuri; ministri i Mjedisit dhe Turizmit, Blendi Klosi si dhe ambasadori i Polonisë në Shqipëri, Karol Bachura. Kryetari i Bashkisë së Tiranës theksoi se me këtë teknologji, kryeqyteti po ndjek të njëjtin hap zhvillimi si dhe shumë qytete të zhvilluara në botë. Gjithashtu, ai u bëri thirrje kompanive
DEKLARATA
"Do të krijojmë një kompani publike të transportit, nëse operatorët privatë nuk do të na përgjigjen në këtë shkallë modernizimi. Nga testimet e bëra në SHBA në një dekadë, një autobus kursente 500 mijë dollarë karburant, ky është një investim që vlen" - tha Veliaj.
që operojnë në fushën e transportit publik që të nisin sa më parë porositjen e autobusëve të kësaj teknologjie. Në të kundërt, ai paralajmëroi se Bashkia e Tiranës po mendon të krijojë
një kompani publike të transportit urban, nëse kompanitë aktuale të transportit nuk do t'i përgjigjen këtij standardi. "Po ju them sërish, do të krijojmë një kompani publike të transpor- tit, nëse operatorët privatë nuk do të na përgjigjen në këtë shkallë modernizimi. Nga testimet e ndodhura në SHBA në një dekadë, një autobus kursente 500 mijë dollarë karburant, ky është një investim që vlen", - u shpreh Veliaj. Ai garantoi se përveç kostove që mund të ketë fillimisht blerja e autobusëve të rinj, futja e kësaj teknologjie do të jetë një investim i favorshëm për të ardhmen dhe financat e operatorëve, kjo për faktin se ato do të punojnë me një kosto më të ulët. Ministri i Turizmit dhe Mjedisit, Blendi Klosi falënderoi kryebashkiakun Veliaj për ndërmarrjen e kësaj nisme, që kontribuon për një mjedis më të pastër. Edhe ministri i Infrastrukturës dhe Energjisë, Damian Gjiknuri, përgëzoi Bashkinë e Tiranës për këtë hap të rëndësishëm të hedhur në fushën e transportit publik. Më tej, të pranishmit në këtë testim bënë një udhëtim me autobusin elektrik, duke parë nga afër mënyrën se si ai performon në trafikun dhe rrugët e kryeqytetit.