Ristani: Doja të isha në sulm, Basha bëri gabim taktik
i përgjithshëm i PD- së, Arben Ristani nuk e fsheh se kreu i PD- së, Basha gaboi me listën. "Këtu do ta ndaja pak përgjigjen ose do ta krahasoja me një ekip futbolli dhe do thosha që trajneri, në rastin konkret kryetari i partisë, për mua do të ishte më mirë të më kishte vendosur në sulm se sa në mbrojtje dhe ketë e shoh si një gabim në taktikë. Por, po të mendosh që ne luanim me ' kanatiere', siç luhet futboll dhe pala tjetër luante me ' skafandra dhe me shkopinj e robokop', këtu pastaj nuk vlen më të diskutohet taktika e zgjedhur nga trajneri", tha z. Ristani për "Vizion Plus". Por, edhe pse ka qëndruar i tërhequr në muajt e fundit, Ristani do të vazhdojë të jetë pjesë aktive e politikës dhe në përputhje me detyrat e sekretarit të përgjithshëm do të merret kryesisht me çështjet e partisë. Në ditët e para pas zgjedhjeve Ristani shërbeu edhe si negociator mes Bashës dhe Patozit. Ndërsa në parti ka filluar analiza, Ristani deklaron se e vetmja rrugë që platforma e Patozit t'i nënshtrohet diskutimit është rruga institucionale. "Në rast se ka një ide, siç është rasti konkret, për të ecur në një rrugë tjetër, do të duhet patjetër që përsëri vendimmarrja të kalojë nga organet e PD, pra nga institucionet e PD. Dhe për t'i mbledhur, statuti përcakton dhe një numër ¼ e kryesisë, e cila mund të kërkojë një mbledhje tjetër të kryesisë për të pasur vendimmarrje të re", deklaroi z. Ristani. Lidhur me kërkesën e kundërshtarëve të Bashës për rizgjedhjen e kryetarit të partisë, Ristani është i prerë. "Kjo është një çështje e mbyllur për mendimin tim, por gjithsesi nëse do të ketë vendimmarrje të reja, këto duhet t'i marrin organet statutore të PD", u shpreh z. Ristani.