Bursa studimi në Amerikë, kriteret që ju kualifikojnë
Ambasada: Programi ' Global UGRAD', çfarë përfitojnë fituesit Ja cilat janë afatet e fundit të aplikimit
Brenda dy muajsh të gjithë studentët e nivelit të parë kanë mundësi të aplikojnë për bursë për të ndjekur studimet për një semestër në universitetet amerikane. Ky njoftim është përcjellë nga Ambasada amerikane në Tiranë, e cila ka bërë me dije se të interesuarit duhet të aplikojnë fillimisht në programin "Global UGRAD". Ky i fundit është një program i financuar nga Departamenti i Shtetit Amerikan, i hapur për të gjitha fushat e studimit dhe nuk është diskriminues ndaj racës, ngjyrës, gjinisë, orientimit seksual, fesë, etnisë, ose paaftësisë fizike. "Bursa mbulon udhëtimin, shkollimin, dhomën, siguracionin për aksidente apo sëmundje, një pagesë të vogël mujore dhe shpenzime për libra. Pjesëmarrësit jetojnë në konvikt me bashkëmoshatarët e tyre amerikanë, ose në banesa me familje amerikane", - thuhet në faqen zyrtare të ambasadës.
Programi "Global UGRAD" është i hapur për të gjithë shtetasit shqiptarë rezidentë mbi 18 vjeç që kanë mbaruar vitin e parë universitet. Këta kandidatë duhet të jenë të regjistruar si student në çdo "Bursa mbulon udhëtimin, shkollimin, dhomën, siguracionin për aksidente apo sëmundje, një pagesë të vogël mujore dhe shpenzime për libra. Pjesëmarrësit jetojnë në konvikt me bashkëmoshatarët e tyre amerikanë ose në banesa me familje amerikane", thuhet në faqen zyrtare të ambasadës.
universitet të akredituar, publik ose privat dhe duhet të kenë të paktën një semestër për të kryer në vendin e tyre në përfundim të programit "Global UGRAD". Gjithashtu, njohuritë e mira në gjuhën angleze përbëjnë një ndër kriteret që duhet të plotësohen
për aplikim. Kandidatët duhet jenë të ligjshëm për t'u pajisur me vizën amerikane për studentë, ( J- 1) që nevojitet e të ndërgjegjshëm për t'u kthyer në vendin e tyre pas përfundimit të programit. Kandidatët duhet të jenë të kujdesshëm që aplikimi të përmbajë: një ese, kopjen e pasaportës biometrike ose kartën e identitetit, listën zyrtare të notave të universitetit, dy letra reference në anglisht, ekuivalentimin e notave sipas sistemit amerikan dhe normalisht, aplikimin e bërë nëpërmjet ' Google Chrome' apo ' Mozilla Firefox'. "Global UGRAD" është një program shkëmbimi i pavarur, i konceptuar për t'i ekspozuar studentët ndaj sistemit arsimor,
shoqëror dhe kulturor amerikan. Por, ambasada gjithashtu bën me dije se kandidatët që nuk plotësojnë kriteret, nuk do të mund të kualifikohen për t'u bërë pjesë e programit. Kështu, të gjithë ata që janë qytetarë amerikanë dhe banues të përhershëm në SHBA nuk përzgjidhen. Gjithashtu, nuk kualifikohen edhe personat që aktualisht studiojnë, jetojnë, ose punojnë jashtë vendit të tyre apo janë punonjës vendës të misioneve amerikane, të cilët punojnë për Departamentin e Shtetit dhe/ ose për Agjencinë Ndërkombëtare të Zhvillimit. Ambasada thekson se kandidatët kanë afat për të aplikuar deri më datën 31 dhjetor të këtij viti.