Nis fushata kundër tërbimit te dhelprat, 560 mijë vaksina karrem në mbarë vendin
Ministria, apel qytetarëve: Mos i prekni, rrezikoni shëndetin
Sot
në mbarë vendin ka filluar vaksinimi i dhelprave kundër sëmundjes së tërbimit, ku avionë të vegjël hedhin në terren një lloj vaksine në gjendje të lëngët në mënyrë të kontrolluar. Nga ky vaksinim janë përjashtuar vetëm qendrat urbane dhe sipërfaqet ujore. Ky projekt i mbështetur nga Bashkimi Europian vjen në kuadër të planit të Ministrisë së Bujqësisë dhe Zhvillimit Rural, i cili po zbatohet për të tetin vit radhazi. Vaksinimi kryhet sipas një procedure moderne dhe që garanton vaksinimin e sigurt dhe në një normë të lartë te dhelprat e kuqe, që janë dhe buri-
PROCEDURA
Vaksinimi kryhet sipas një procedure moderne dhe që garanton vaksinimin e sigurt dhe në një normë të lartë te dhelprat e kuqe, që janë dhe burimi kryesor i shpërndarjes së tërbimit. Gjatë këtij procesi do të shpërndahen rreth 560 mijë vaksina karrem në vend brenda vjeshtës së këtij viti përgjatë një periudhe 12- ditore.
mi kryesor i shpërndarjes së tërbimit. Gjatë këtij procesi do të shpërndahen rreth 560 mijë vaksina karrem në vend brenda vjeshtës së këtij viti përgjatë një periudhe 12ditore. Ndërkohë, avionët e
vegjël, nëpërmjet makinerive speciale dhe hartave të sakta do të shpërndajnë në mënyrë të automatizuar dhe kontrolluar 20 vaksina për kilometër katror. Vaksinimi kundër tërbimit bëhet te dhelprat, pasi këto kafshë janë burimi kryesor i kësaj sëmundjeje me pasoja fatale, që transmetohet te qentë dhe te njeriu. Bazuar në statistikat e fundit, mënyra se si bëhet fushata e vaksinimit në Shqipëri ka rezultuar e suksesshme. Ndërkaq, avionët specialë që do të procedojnë në realizimin e procesit kanë siguruar lejet përkatëse dhe do të operojnë nga aeroporti i Kuçovës. Këta avionë janë të dallueshëm nga të tjerët, pasi në trupin e tyre mbajnë shenjat e regjistrimit: Z3- DAK, Z3DAD, Z3- DAJ dhe Z3- DAH. Ministria bën thirrje për të gjithë personat që gjatë kësaj periudhe apo dhe më vonë mund të shikojnë vaksina karrem, që të mos i prekin, hapin apo t'ua japin kafshëve, pasi mund të rrezikojnë shëndetin e tyre. Procesi i vaksinimit kundër sëmundjes së tërbimit te dhelprat zhvillohet dy herë në vit, në pranverë dhe vjeshtë.