Rritje me 5% për pagat e bluzave të bardha
Manastirliu: Skema e bonusit, 250 mijë lekë
Pagat
e mjekëve dhe infermierëve do të rriten deri në 5% duke filluar nga korriku i vitit 2018. Lajmi është bërë me dije nga Ministrja e Shëndetësisë dhe Mbrojtjes Sociale, Ogerta Manastirliu, e cila theksoi se do të pësojë rritje edhe skema e bonusit deri në 250 mijë lekë nga 100 mijë që është aktualisht, për të gjithë ata mjekë që do të punojnë në spitalet rajonale. "Do të ketë një rritje pagash duke filluar nga korriku i 2018- ës. Përfitues të rritjes deri prej 5% do të jenë rreth 18 000 mjekë dhe infermierë. Për motivimin e dërgimit të mjekëve në këtë zonë, Ministria e Shëndetësisë dhe Mbrojtjes Sociale nëpërmjet Ministrisë së Financave do të përdori skemën e bonuseve, duke rritur skemën e bonusit nga 100 mijë lekë ose 1 milionë lekë të vjetra në një rritje të konsiderueshme nga 200 mijë deri në 250 mijë lekë në muaj",- u shpreh Manastirliu. Më tej ajo nënvizoi se përfituesit e ndihmës ekonomike, do të pësojnë dyfishim të pagesës e prej muajit janar të 2018- ës do të përzgjidhen me një skemë më të modernizuar. Në vitin e ardhshëm, buxheti i planifikuar për shëndetësinë do të arrijë vlerën 73 miliard e 80 milion lekë. Ministrja bën me dije se do të bëhet një investim prej 260 milionë lekësh për përmirësimin e infrastrukturës në 80 qendra shëndetësore. Gjithashtu, do të vihen në ndihmë edhe 32 autoambulanca të reja.
itetit, certifikatën e gjendjes familjare, certifikatën e martesës, dy fotografi etj. Ndërsa, dokumentet që vërtetojnë periudhat e sigurimit dhe llojin e punës janë: libreza e punës; vërtetim për vjetërsinë në punë dhe llojin e saj; vendimi i emërimit në punë, si kuadër në ish- kooperativat bujqësore; vendim gjykate për njo-
hje të vjetërsisë në punë ( nëse periudha e punës nuk provohet me dokumente zyrtare); vërtetim i Degës Ushtarake për periudhën e kryerjes së shërbimit të detyrueshëm ushtarak; vërtetim- tip i vjetërsisë në punë për ushtarakët; si dhe një fotokopje e noterizuar e diplomës së shkollës së lartë për kërkueset femra.