Republika Çeke, 900,000 dollarë ndihmë për mbrojtjen e Ballkanit Perëndimor nga ndryshimet klimatike
Përfshihen Shqipëria, Maqedonia, Serbia, Mali i zi, Bosnja dhe Hercegovina, Kroacia
Përmbytjet ekstreme i kush tuan Ballkanit Perëndimor 86 jetë dhe 3.5 miliardë dollarë dëmshpërblime në 2014.
Organizata e Kombeve të Bashkuara për Mjedisin njoftoi sot se Republika Çeke do investojë 20,000,000 Koruna çeke, rreth 900,000 dollarë për të ndihmuar Serbinë dhe vendet e tjera të Ballkanit Perëndimor, që bëhen gati për të përfituar nga Fondi i Klimës së Gjelbër.
Fondi pritet të bëhet një burim i financimit global për ndryshimet klimatike, zbutjen dhe përshtatjen në vitet e ardhme. Ai mbështet projekte të ndryshme nga këto vende të energjisë së ripërtëritshme në sistemet e informacionit klimatik dhe bujqësinë e qëndrueshme ndaj klimës.
Vendet e Ballkanit Perëndimor tashmë mund të hyjnë në Fond, por do të kërkojnë mbështetje teknike për të zhvilluar propozime në përputhje me kriteret e investimit të Fondit. Mbështetja e OKB- së do të sigurojë asistencën e nevojshme teknike, duke ofruar gjithashtu një platformë për konsultime me shumë palë të interesuara, ku do të sigurojnë që propozimet të pasqyrojnë si prioritetet kombëtare të adaptimit të ndryshimeve klimatike, ashtu edhe ato rajonale.
Investimet e Republikës Çeke do të ndihmojnë për të siguruar që Ballkani Perëndimor të mund të aspirojë në një të ardhme të ulët të karbonit dhe të rrisë elasticite- tin ndaj ndryshimeve klimatike, që tashmë kanë një efekt shkatërrues në rajon.
Përpara edicionit të këtij viti të negociatave ndërkombëtare për klimën, në Pragë u nënshkrua një marrëveshje e donatorëve më 24 tetor nga zv. ministrja e Mjedisit, znj. Berenika Peštová dhe Z. Jan Dusik, drejtor i BE- së për mjedisin në Evropë.
PIKAT KYÇE KLIMATIKE NË BALLKANIN PERËNDIMOR
Vendet e Ballkanit Perëndimor tashmë janë përballur me përmbytje të mëdha të lidhura me ndryshimet klimatike. Në vitin 2014, përmbytja ekstreme kushtoi të paktën 86 jetë dhe 3,5 miliardë dollarë në dëmtime, ndërkohë janë shkaktuar rreth 2,000 rrëshqitje të tokës në të gjithë rajonin.
Rajoni tani parashikohet të përballet me rritje të temperaturave të ajrit në një normë më të lartë se mesatarja globale në dekadat e ardhshme. Kjo ka të ngjarë të çojë në zjarret më të rënda dhe të shpeshta të pyjeve dhe thatësirës, e cila në vitin 2012 uli rendimentet në disa kultura të caktuara përgjysmë, duke shkaktuar humbje prej rreth dy miliardë dollarë vetëm në Serbi.
Raporti i OKB- së mbi Adaptimin e Klimës për Ballkanin Perëndimor i vitit 2015, gjithashtu tregon për gjasat e rritjes së vdekjeve që lidhen me stresin e nxehtësisë dhe fijeve të reja të sëmundjeve dhe llojeve të dëmtuesve, që dalin për shkak të ndryshimit të klimës në rajon.
Projekti, me qëllim lehtësimin e qasjes në Fondin e Klimës së Gjel- bër, do të zbatohet nga Zyra e OKBsë për Mjedisin në Vjenë, duke filluar nga dhjetori 2017 dhe do të zgjasë dy vjet. Ajo do të ndihmojë vendet e Ballkanit Perëndimor në përkthimin e vullnetit të fortë politik për trajtimin e ndryshimeve klimatike në veprime konkrete, që i përgjigjen këtij kërcënimi global.
Shqipëria, Mali i Zi dhe Serbia kanë paraqitur tashmë propozime në kuadrin e Programit të Gatishmërisë dhe Përgatitjes së Fondit të Klimës së Gjelbër dhe aktivitetet shtesë të financuara nga Republika Çeke do të rritin punën përgatitore, duke përfshirë përgatitjen e propozimeve dhe përpjekjet për ndërtimin e kapaciteteve.
OKB- ja tani do të kërkojë ndihmë teknike nga një partner implementues për të kryer projektin. Partneri do të jetë udhëheqës i një institucioni shkencor, që e njeh rajonin dhe ka përvojë të konsiderueshme në politikën klimatike dhe financat.
Investimi nuk është i pari i bërë nga Republika Çeke për sigurimin e rajonit nga rreziqet që lidhen me klimën. Në vitin 2014, Praga investoi 45,000 dollarë për të ndihmuar Bosnjën si faktor global i angazhimeve mjedisore brenda rregullave të saj kombëtare dhe vendimmarrje. Gjithashtu, ajo mbështeti sektorin hidrologjik të vendit, në mënyrë që të dhënat për rreziqet e fatkeqësive natyrore të mund të mblidheshin dhe të ndaheshin me qytetarët.
SFOND
Fondi i Klimës së Gjelbër, i themeluar në vitin 2010, është mekanizmi financiar i Konventës së Kombeve të Bashkuara për Ndryshimet Klimatike dhe Marrëveshjes së Parisit. Ai u krijua për të adresuar zbutjen e ndryshimeve klimatike dhe nevojat e adaptimit të vendeve në zhvillim.
Emri i plotë i projektit të ri të OKB- së mbi mjedisin është "Programi për lehtësimin e angazhimit dhe qasjes në Fondin e Klimës së Gjelbër për Serbinë dhe/ ose vendet e tjera të Ballkanit Perëndimor".
Mjedisi i OKB- së ka përvojë të konsiderueshme në ndihmën e vendeve për t'iu përgjigjur sfidave të lidhura me ndryshimet klimatike, duke ndihmuar 15 vende të plotësojnë planet kombëtare të adaptimit të klimës dhe ndihmuar 38 vende të zhvillojnë komunikimet kombëtare me Konventën e Kombeve të Bashkuara mbi Ndryshimet Klimatike.