Shkarkimi i Zgurit, shkresa që rrëzon pretendimin e socialistëve
PS zyrtarizon nismën për largimin e kreut të KQZ, Ferhati: Humbi besimin Letra, u njoftuan anëtarët e tjerë të KQZ- së
Socialistët zyrtarizuan dje kërkesën e tyre për shkarkimin e kryetarit të Komisionit Qendror të Zgjedhjeve Klement Zguri, duke ia paraqitur atë kryetarit të Kuvendit. Maxhoranca e akuzon Zgurin se ka shkelur ligjin e dekriminalizimit duke mos shqyrtuar kërkesën e prokurorisë lidhur me kryebashkiakun e Mallakastrës që preket nga ky ligj për një dënim nga gjykata e shtetit italian për vjedhje. Sipas socialistëve, Zguri ka ardhur në krye të këtij institucioni si pjesë e marrëveshjes se 18 majit, por nuk u ngrit në lartësinë e detyrës dhe drejtoi si njeri partiak. Në një dalje për media, deputetja e PS, Klotilda Ferhati, deklaroi se Zguri ka shkelur ligjin, teksa mbajti anën e kryebashkiakut të Mallakastrës, Agron Kapllanaj, duke mos i hequr mandatin. "Klement Zguri ka shkelur ligjin. Kreu i KQZ, Zguri mbajti anën e kryetarit të Bashkisë Mallakastër, Agron Kapllanaj, duke pasur të njëjtën bindje politike me të. Sjellja e Zgurit tregon njëanshmëri politike",- theksoi zj. Ferhati. Sipas saj "Vlerësimi individual, që Klement Zguri i ka bërë kësaj çështjeje nga pozita e drejtuesit të KQZ, është shkelje e hapur e ligjit nga ana e tij, pasi duhej të ishte Komisioni Qendror i Zgjedhjeve, si organ kolegjial dhe jo kryetari i këtij komisioni si individ, organi që duhej të shqyrtonte ( maksimalisht brenda 10 ditëve, sipas ligjit) në mbledhje publike rezultatet e vendimit të prokurorisë për kryetarin e Bashkisë Mallakastër, Agron Kapllanaj".
SHKRESA
PS kërkoi shkarkimin e kryetarit të KQZ, Klement Zguri me arsyetimin se ka shkelur ligjin për rastin e kryebashkiakut të Mallakastrës, pasi nuk ka njoftuar anëtarët e KQZ me kërkesën e prokurorisë për Kapllanajn. Por nga KQZ doli një shkresë, drejtuar anëtarit të Komisionit Hys-
en Osmanaj ku shpjegon mbërritjen e informacionit nga prokuroria dhe vendosjen në dispozicion të anëtarëve. Me këtë shkresë hidhet poshtë pretendimi i deputetëve të PS- së që Zguri nuk i kishte vënë në dijeni anëtarët e tjerë të KQZ- së. Në shkresë thuhet se nga prokuroria ka mbërritur informacioni në datën 16 tetor në KQZ dhe është protokolluar. Po në datë 17 tetor, si-
pas KQZ është bërë nxjerrja e këtyre shkresave nga zyra e kryetarit të KQZ- së dhe dorëzimi për anëtarët e KQZ- së, te sekretarja Elona Dai, e cila ka nënshkruar në regjistrin përkatës për marrjen në dorëzim të këtyre shkresave me numër kopje gjashtë. Me shkresën e publikuar, KQZ hedh poshtë pretendimet e PS që Zguri nuk i kishte vënë në dijeni anëtarët e KQZ- së për doku-
mentin e prokurorisë. Megjithatë PS ka nisur procedurat për shkarkimin e kreut të KQZ, Klement Zgurit me pretendimin se nuk ka lajmëruar anëtarët e KQZ. Kryeministri Edi Rama dy ditë më parë paralajmëroi shkarkimin e kryebashkiakut të Mallakastrës, i cili sipas tij preket nga ligji i dekriminalizimit, pasi ka qenë dënuar në Itali.