Federata dhe Skënderbeu, bashkë kundër Flamurtarit
Kuqezinjtë e kanë me të gjithë. FSHF dhe korçarët mohojnë pretendimet e vlonjatëve Vlonjatët akuzojnë zhvendosjen e kalendarit
Klubi i Flamurtarit ka reaguar dje ashpër pas ndryshimit të kalendarit. "Flamurtari denoncon me forcë thellimin e qëndrimit dashakeqës të FSHF- së dhe ndikimin e saj në garë, duke dënuar në mënyrë direkte ekipin tonë. Në mënyrë të paprecedent, FSHF- ja ndryshon ditën e ndeshjes për çdo ekip në Kategorinë Superiore, por jo për Flamurtarin. "
1. Ndryshohet kalendari për Laçin, ku ndeshja zhvendoset nga e shtuna në të hënë, me arsyen se fusha e ekipit pritës nuk është në kushte optimale.
2. Ndryshohet jo vetëm kalendari për Vllazninë, por nga ekip pritës kthehet në ekip udhëtues, duke e zhvilluar ndeshjen në fushën e Skënderbeut.
3. Ndryshon në mënyrë arbitrare, pa asnjë konsensus midis klubeve, datën për ndeshjen FlamurtariSkënderbeu vetëm për të favorizuar korçarët me arsyen se disa lojtarë i ka të grumbulluar me Kombëtaret." "Flamurtari denoncon me forcë thellimin e qëndrimit dashakeqës të FSHF- së dhe ndikimin e saj në garë, duke dënuar në mënyrë direkte ekipin tonë. Në mënyrë të paprecedent, FSHF- ja ndryshon ditën e ndeshjes për çdo ekip në Kategorinë Superiore, por jo për Flamurtarin."
FSHF
FSHF ka reaguar me një deklaratë për shtyp në lidhje me shtyrjen e ndeshjes Vllaznia- Lushnja. Institucioni
i futbollit i është përgjigjur reagimit të ashpër të Flamurtarit, i cili akuzoi për veprim dashakeqëse për ndryshimet në kalendarin e kam-
pionatit. Sipas vlonjatëve FSHF ka favorizuar disa skuadra të veçanta për të përgatitur sa më mirë ndeshjet. "Në asnjë rast tjetër, FSHF nuk ka hedhur asnjë hap në vendimmarrje për ndryshim të kalendarit, pa pasur më parë zyrtarisht nga të dyja klubet kërkesën për shtyrjen e ndeshjes".
SKËNDERBEU
Ndryshimi i ditës së ndeshjes FlamurtariSkënderbeu ka sjellë një sërë reagimesh dhe i fundit vjen nga klubi korçar që i përgjigjet homologëve vlonjatë. Këta të fundit kanë shprehur pakënaqësi për ndryshimin e kalendarit të ndeshjes për javën e 10- të kundër Skënderbeut. Por, klubi korçar ka dalë me një deklaratë për shtyp pak minuta më parë, duke sqaruar arsyen se përse është i drejtë vendimi për t'u zhvendosur me 24 orë ( luhet të enjten), takimi kundër Flamurtarit. "Klubi i futbollit ' Skënderbeu' duke marrë shkas nga reagimi zyrtar i Flamurtari F. C ditën e sotme hedh poshtë absolutisht çdo fjalë, fjali dhe paragraf ku cenohet dhe aludohet për favorizim të ekipit tonë në lidhje me kalendarin".