Korrupsioni me tenderët e ushqimeve, Iliaz Labi fundos ish- kreun e Burgjeve
"Zoto kërkoi 20% të shumës për tenderin e vezëve dhe bulmetit" "Biznesmeni më dha 20 mln lekë, ia dhashë Artur Zotos"
Korrupsioni me ten derët e ushqimeve në burgje ka përballur dje në Gjykatën e Krimeve të Rënda ish- kreun e këtij institucioni me zëvendësin e tij, Iljaz Labi. Gjatë seancës gjyqësore, ishnumri dy i Burgjeve, Labi deklaroi se biznesmeni Shemsi Sinani i ka dhënë 20 milionë lekë tek një lokal tek ' Blloku', të cilat duhet t'ia jepte Artur Zotos. "Artur Zoto me kërkoi të flisja me një biznesmen për tenderin e vezëve dhe bulmetit. Kërkonte 20% të shumës. Biznesmeni Shemsi Sinani më dha 20 milionë lekë, të cilat ia dorëzova Artur Zotos në zyrë", - tha Iliaz Labi. Ndërkohë, ky i fundit u shpreh në dëshminë e tij se nuk e përjashton veten nga përgjegjësia, pasi edhe ai do të merrte pjesën e tij. "E bëra këtë punë, pasi edhe unë do të merrja pjesën time të parave. Kemi 20 vite që punojmë për këtë shtet dhe duhet të mbajmë përgjegjësinë dhe të pranojmë disa gjëra", pohoi Labi, i cili në këtë proces ka statusin e bashkëpunëtorit të drejtë- sisë. Mbi dëshminë e tij, Prokuroria e Krimeve të Rënda arrestoi Artu Zoton, i cili akuzohet për korrupsion të zyrtarëve të lartë.
AKUZA NDAJ ISH- KREUT TË BURGJEVE
Ish- drejtori i Burgjeve, Artur Zoto, është arrestuar shkurtin e këtij viti, pasi akuzohet për korrupsion. Gjykata ka vendosur masën "arrest me burg" për ish- zyrtarin e vënë në pranga nga policia. Hetimet për të nisën kur u arrestua ish- zëvendësi i tij. Artur Zoto që u dorëhoq nga detyra disa muaj më parë, dyshohet se është i përfshirë në korrupsionin me tenderët e ushqimeve, për të cilat u arrestua zv. drejtori i Burgjeve, Iljaz Labi. Një seri bisedash të përgjuara nga Prokuroria e Krimeve të Rënda kanë ngritur dyshime të forta për implikimin në aferat korrup- tive në tenderët e ushqimit në burgje dhe të drejtorit të Përgjithshëm të Burgjeve, Artur Zoto. Në dosjen hetimore ndodhen dhjetëra procesverbale me biseda të tran- skriptuara, të cilat tregojnë se drejtori Zoto, tashmë i dorëhequr, ka qenë në dijeni të këtyre aferave korruptive dhe se Iljaz Labi nuk bënte asnjë hap pa mira- timin e Zotos. Ndaj këtij të fundit prokuroria nuk lëshoi asnjë urdhër- arresti. Por dy ditë pas operacionit të arrestimit të zëvendësit të tij, Iljaz Labi dhe katër biznesmenëve: Elidjan Laskaj, Ylber Kalaja, Shemsi Sinani e Nexhmi Balla, drejtori i Përgjithshëm i Burgjeve ka dhënë dorëheqjen, duke ia justifikuar largimin ministrit të Drejtësisë, Manjani nëpërmjet një letre, ku i shkruante se ishin motivet personale dhe familjare të tij, që e çonin në largimin nga kjo detyrë. Por, në një seri bisedash të përgjuara, pasqyrohet dhe një bisedë mes biznesmenëve Nexhmi Balla dhe Elidjan Laskaj, ku Nexhmiu e pyet Elidjanin se çfarë kishte bërë. Nga ana tjetër, Elidjani i thotë se sa kishte dalë nga Drejtoria e Burgjeve. "Ai" i kishte thënë se do ta çonte lart dhe do t'i kthente një përgjigje.