Replikat, Rama: Do vish prapë tek unë. Basha: Të iku koha, e imja po vjen
Ahmetaj: PD dha 178 koncesione në 8 vjet Paralajmërimi i kreut të PD- së: Kam një dosje… do ia ndjeni këngën së shpejti Batutat, nga "Partia e djathit" tek akuzat për vëllain dhe kunatin
Ministri
i Financave Arben Ahmetaj ne diskutimin mbi koncesionet në Kuvend tha se Partia Demokratike në vetëm 8 vjet ka dhënë 178 koncesione të reja e madhe siç tha ai, është firmosur edhe ditën e diel, që nuk është ditë pune në administratën shtetërore. "Ka një historik shumë interesant të koncesioneve 2004- 2017 dhe besoj kjo është një ditë e duhur që të ndajmë këtë informacion sot bashkë. Nga viti 2004 e deri në vitin 2017, janë 213 kontrata koncesionare aktive, nga të cilat, 178 janë bërë para viti 2013. Kur vini këtu dhe flisni për koncesionet dhe bëni sikur ju dhemb shpirti për koncesionet dhe paratë e buxhetit të shtetit e qytetarëve, sot është një moment transparence e secili të mbajë përgjegjësinë. 178 koncesione janë bërë nga qeveria e PD- së, nga të cilat 98% janë oferta të pa kërkuara, pra për qytetarët, ofertë e pa kërkuar do të thotë kur biznesi vjen dhe sjell ofertën e vet dhe hyn në procedurë, pra jo kur shteti, qeveria, autoriteti kontraktor, hedh ofertën në treg. I kam me emra ministrash të gjithë koncesionet e bëra në kohë dhe po ju them që vetëm në periudhën maj 2013- 9 shtator 2013, janë bërë 38 koncesione. Ndërkohë që ju ishit duke ikur nga pushteti e populli ju kishte votuar të iknit nga zyra, keni bërë 38 koncesione! Do ta mirëpres të vijë këtu e të flasë ai ishministër që ka qenë në atë kohë, që ka firmosur edhe ditën e diel. Vetëm një ministër i qeverisë Berisha 2 në maj 2013 ka firmosur 4 koncesione; në qershor 2013 janë 3 koncesione të firmosura", - tha Ahmetaj.
Kryeministri Edi Rama dhe kreu i opozitës Lulzim Basha replikuan gjatë dje në Kuvend, fillimisht për projektbuxhetin 2018 dhe koncesionet, por për 4 orë me radhë ata akuzuan dhe kundërakuzuan njëri- tjetrin që nga vëllai e deri te kunati i ' famshëm'. Kreu i PD akuzoi se buxheti i 2018- ës është buxheti i pastrimit të parave të drogës. Ndërsa Rama tha se Shqipëria do ketë rritjen ekonomike më të lartë në rajon duke prekur shifrën e 4%. Ndërsa kërkoi të mos votohet buxheti i vitit 2018- të, të cilin e cilësoi buxhet të krimit, kryedemokrati Basha tha se "Në Shqipëri ka drogë sa për 5 vjet dhe në fshatrat e Labërisë shitet më lirë se sa çaji". Por në kundërpërgjigje, kryeministri Rama e ftoi të fliste për pr. buxhetin e të mos kthehej tek avazet e vjetra. Kryeministri i kujtoi kohën kur ishte në çadër. "Mos u ngut se e vërteta të nxjerr siç je, i vogël, mos u ngut kaloje këtë ditë, ke kohë të bësh këtu intolerantin. Kur thua të ngrihen kujtoje çadrën dhe kujtoje si mbaroi. Herët a vonë do ulesh prapë, por ata nuk ngihen më". Por z. Basha i kujtoi se koha e atij po ikën, ndërsa e tij po vjen. Basha e akuzoi se po nxit hotele me paratë e drogës, ndërsa deklaroi: "Tani ka filluar faza e dytë: përdorimi i parave të drogës për të futur në dorë ekonominë, duke shkrirë në një krimin, politikën dhe biznesin. Është objektivi final që synon çdo organizatë kriminale: legalizimin në ekonomi dhe në politikë. Edi Rama i futi Shqipërisë kancerin e trafikut të drogës dhe tani po mundohet ta kthejë Ajo çka ra në sy, dhe madje u përmend jo pak herë nga kryeministri Rama, ishte mungesa dje në Kuvend e ish - kryeministrit Sali Berisha, i cili mësohet të jetë jashtë shtetit për një vizitë private. Emri i ish- kryetarit të PD- së është regjistruar në listën e folësve për buxhetin, por ai mungoi në seancën maratonë për projektbuxhetin 2018.
paranë e drogës në një aktivitet fitimprurës ekonomik". Z. Rama e provokoi duke i thënë se as rolin e Lulit të vogël, personazh i Migjenit nuk e bënte dot. "Vjen këtu e bën Lulin e vogël të Migjenit. Kujtoje, atë e ka bërë Migjeni, ty Saliu. Ti as rolin e Lulit të vogël s'e bën dot",- tha Rama. Z. Basha nga ana tij e akuzoi nga foltorja e Kuvendit Olsi Ramën, vëllain e kryeministrit Edi Rama se tentoi të marrë me koncesion mbledhjen e TVSH- së. "Nuk më ka hyrë asnjëherë në hesap një anëtar i familjes së tij, por në momentin që një kryeministër ndryshon ligjin e
TVSH- së, vetëm që t'ia japë vëllait, për të cilin hoqi edhe ministrin e Financave, kjo është çështje e çdo shqiptari", - akuzoi Basha. Por i menjëhershëm ishte reagimi i kreut të qeverisë, i cili tha se vëllai i tij nuk është si kunati, duke iu referuar kunatit të kreut demokrat. Kryeministri Edi Rama i është përgjigjur akuzave të kryetarit të PD, Lulzim Basha se qeveria po lejon ndërtimin e hoteleve me 5 yje dhe kullave në Tiranë, për pastrimin e parave të drogës, duke përmendur me emra biznesmenët e ndërtimit, një pjesë e mirë e të cilëve janë financues të PD- së.