Abuzimi me pronat, dorëzohet në polici ish- kreu i Hipotekës në Kavajë
Zbardhet skema e grabitjes së 36 ha tokë në bregdetin e Spillesë Gjykata jep ‘ arrest me burg’ për 8 zyrtarët
Pas skandalit të zbulu ar në Kavajë, ku zyr tarë të lartë të Hipotekave ishin përfshirë në një rrjet të gjerë korrupsioni të tjetërsimit të tokës, është vetëdorëzuar dje në polici Seid Cikalleshi, ishkreu i këtij institucioni. Mësohet se Cikalleshi është vjehrri i kryetarit të Partisë Socialiste në Kavajë, Gentian Daja. Ndërkohë gjykata e Kavajës ka caktuar dje masën e sigurisë "Arrest me burg" për 8 ish- zyrtarët dhe zyrtarët e zyrës së regjistrimit të pasurive të paluajtshme, nën akuzën e shpërdorimit të detyrës. Nëpërmjet falsifikimit të dokumenteve, zyrtarët kanë tjetërsuar 36 hektarë në bregdetin e Spillesë, duke ua kaluar në pronësi shtetasve të ndryshëm. Gjykata e Kavajës ka caktuar dje masat e sigurisë për të arrestuarit gjatë këtij operacionit policor, dhe ka rikonfirmuar arrestin me burg për shtetasit Seid Cikalleshi, ish- kryeregjistruesi i Hipotekës së Kavajës; Fatos Kaja ish- zyrtar i komunës Kryevidh, Kavajë ( aktualisht, nënprefekt i qarkut Tiranë); Dritan Kazazi hartograf, ZVRPP, Kavajë; Andi Gjeci jurist, ZVRPP, Kavajë; Ilir Kaja zyrtar i Njësisë Administrative Kryevidh, Kavajë; Nezir Lecini ish- shef i Zyrës së Kadastrës, Kavajë; Agron Xhelezi ish- kryetar i Komisionit të Ndarjes së Tokave, Kavajë; Enver Duqi ish- drejtor i Administrimit dhe Mbrojtjes së Tokës, Kavajë. Sakaq sot pritet të dalin para kësaj gjykate 3 persona të tjerë, Altin Çoba, drejtor i ALUIZNI- t Kavajë, Behgjet Pjeci, ish- kryetar i komunës Kryevidh dhe Dashnor Çullhaj, ish- zyrtar i komunës Kryevidh- Kavajë, të cilët janë ndaluar në 14 nëntor nga prokuroria e Kavajës.
Rreth 2 vjet më parë, Spiro T., banor i fshatit Rreth Greth të Rrogozhinës u informua nga ish- agronomi i komunës, Ilir Kaja se do të bëhej pronar i 3 mijë metrave tokë në bregdet. "Meqenëse je hallexhi dhe keq nga gjendja ekonomike do të të pajisim me rreth 3 mijë metra katrorë tokë," - i ka premtuar Kaja gjatë një takimi mes tyre në qendër të fshatit. Në dëshminë e tij për prokurorinë e Kavajës, Spiro T. ka pohuar se nuk kishte parë asnjë dokument pronësie dhe as nuk e dinte se ku ndodhej toka "e premtuar". Por Kaja i kishte sugjeruar në një takim të dytë që bashkë me të shoqen dhe djalin të paraqiteshin te noteri për të bërë shitjen dhe ai ish- te bindur. Dokumentet e hetimit të siguruara nga BIRN tregojnë se Spiro T. firmosi aty ku i tha noteri, duke e ditur se po shiste 3 mijë metra tokë për 1.5 milionë lekë dhe mori me këste dorazi nga Kaja 1.2 milionë. Sipas prokurorisë, ai nuk ishte në dijeni se në emër të tij ishin tjetërsuar 15 700 metra katrorë tokë në bregdetin e Spillesë- pjesë e një sipërfaqe prej 36 hektarësh që iu vodh shtetit përmes një kapice dokumentesh të falsifikuara nga disa institucione lokale, për të cilët akuzohen 11 zyrtarë. Spiro T. ishte vetëm njëri prej 108 banorëve të zonës, emrat e së cilëve u përdorën në skemën e tjetërsimit të tokave përmes dokumenteve të falsifikuara. Dokumentet e hetimit tregojnë
se toka e tjetërsuar fillimisht në emër të banorëve të zonës u kaloi përmes kontratave të shitjes apo të dhurimit të afërmve të pushtetarëve lokalë të Kavajës, ku kryeson rrethi familjar i ish- kryetarit
të Bashkisë, Elvis Rroshi; kryetarit të PS në Kavajë Gentian Daja; nënprefektit të Tiranës Fatos Kaja, ish- shefit të Zyrës së Kadastrës në Kavajë, Nezir Lecini si dhe të afërm të gjyqtarit Luan Lusha.