Negociatat, Balla: BE do të vendosë shumë shpejt për Shqipërinë
Tryeza në Bruksel, Spaho: Zgjedhjet e lira dhe jo të blera, parakusht për në BE LSI: Evropa të flasë për shitblerjen e votës
Mazhoranca dhe opozita shprehen qëndrime të kundërta dje në Parlamentin Evropian për situatën aktuale në Shqipëri. Opozita përmes demokratit Edmond Spaho dhe zyrtarit të LSI- së, Petrit Vasili akuzoi qeverinë për lidhje me krimin dhe blerjen e votës, ndërkohë që mazhoranca përmes Taulant Ballës foli për progres dhe vendim të shpejtë të BEsë për hapjen e negociatave me vendin tonë. Nga Brukseli, kryetari i grupit parlamentar të PS- së, Taulant Balla, i cili kryeson delegacionin shqiptar dha lajmin e mirë lidhur me vendimin që do të marrë së shpejti Bashkimi Europian për negociatat me vendin tonë. I pranishëm në tryezën e nivelit të lartë mbi procesin e integrimit europian të Ballkanit Perëndimor, kreu i grupit parlamentar të PS- së, Taulant Balla deklaroi sot, se BE do të marrë së shpejti një vendim sa u përket negociatave me qeverinë tonë për anëtarësim. "Bashkimi Europian do të marrë së shpejti një vendim mbi axhendën e negociatave me qeverinë tonë drejt anëtarësimit të Shqipërisë në familjen europiane. Ky është një hap, të cilin shqiptarët, pavarësisht bindjeve apo përkatësisë politike, e kanë pritur për më shumë se dy dekada. Edhe prezenca e tre kryetarëve të grupeve më të mëdha politike në Kuvendin e Shqipërisë e konfirmon këtë mbështetje për hapjen sa më shpejt të negociatave", u shpreh Balla. I shoqëruar nga Edmond Spaho, Petrit Vasili dhe Evis Kushi si pjesë e delegacionit shqiptar, Balla theksoi se shenjë e progresit të Shqipërisë është edhe miratimi i disa reformave të rëndësishme, siç është edhe vetingu. Sipas Ballës, shumë shpejt do të ketë edhe rezultate konkrete me emra gjyqtarësh e prokurorësh. "Një vit më parë, Komisioni Europian rekomandoi hapjen e negociatave me Shqipërinë në vlerësim të progresit në përmbushjen e prioriteteve kyçe dhe në varësi të progresit të prekshëm dhe të besueshëm të reformës në drejtë- Deputeti i PD- së, Klevis Balliu ishte dje në Bruksel në një takim për rininë dhe politikën, ku ishte i pranishëm edhe zëvendëspresidenti i PE- së. Balliu tha se ka kërkuar në Bruksel mbështetjen e BEsë në luftën kundër drogës, ndërsa ka theksuar se rinia nuk ka besim te politika, për shkak të lidhjes së qeverisë me krimin.