Jeta luksoze e tutorit të prostitutave, Rinard Tota
50- vjeçari, kreu i grupit kriminal që u godit të shtunën. U dënua për një vrasje të dyfishtë në ' 99- ën Babai i dy fëmijëve shoqërohej me dy femra dhe postonte foto intime
Rinard ( Frederik) Tota, i cili u arrestua të sh tunën së bashku me 6 të tjerë për shfrytëzim prostitucioni, para pak muajsh bëri bujë në media dhe rrjetet sociale duke u bërë një emër i njohur jo vetëm në Shkodër. Prej disa vitesh, 50vjeçari posedonte lokalin e tij "Tata", ku organizonte muzikë live, por edhe ofronte balerina për të kërcyer, për të kënaqur më shumë klientët. Ai është dënuar më parë disa herë, ndërsa së fundmi u arrestua nga policia e Shkodrës si koka e një grupi prostitucioni. Federik Tota ose Tata, siç e njohin në qytetin verior bënte një jetë të shtrenjtë. Prej kohësh, edhe pse është baba i dy fëmijëve, ai shoqërohej me dy femra. 50- vjeçari postonte fotografi me dy vajzat kudo që shkonte, deri edhe në foto intime. Gjithnjë mbante në qafë dhe duar bizhuteri floriri me vlera të konsiderueshme e po ashtu, edhe makina të shtrenjta, me të cilat lëvizte. Para pak kohësh pikërisht për shoqërimin e tij me dy femra u bë edhe viral në rrjetet sociale, duke treguar jetën e shtrenjtë dhe rrethimin nga femrat. Shpeshherë femrat me të cilat shoqërohej postonin foto të zhveshura dhe të mbuluara plot me para me prerje të ndryshme. Lokali i Federik Tatës në lagjen "Xhabie" në Shkodër shërbente më shumë në orët e vona, kur edhe organizohej muzika live me këngëtarë e balerina. Këto të fundit sipas policisë nuk kishin rolin e balerinave, por të prostitutave, duke marrë para në këmbim të marrëdhënieve seksuale me klientët.
ARRESTIMI
Katër ditë më parë, në kuadër të operacionit "Forca e ligjit", policia e Shkodrës në bashkëpunim me prokurorinë e këtij rrethi goditi një grup kriminal. Në pranga kanë rënë 7 persona, si dhe një tjetër është proceduar në gjendje të lirë, duke finalizuar me sukses operacionin e koduar "Balerina". Drejtori i policisë vendore të Shkodrës, Gjovalin Loka bëri të ditur përmes një deklarate se kreu i këtij grupi të prostitucionit është pikërisht 50- vjeçari Rinard ( Federik) Tota, i dënuar më parë disa herë për vepra penale të ndryshme. "Shtetasi Rinard Tota dyshohet se ishte organizator i kësaj veprimtarie kriminale, ku prej
kohësh shfrytëzonte për ushtrim prostitucioni shtetaset e sipërpërmendura në lokalin e tij ' Tata', në qytetin e Shkodrës", deklaroi drejtori Loka në deklaratën për shtyp. Më tej, Loka shtoi: "Jam këtu me përfaqësuesin e Prokurorisë pranë Gjykatës së Shkallës së Parë Shkodër për të njoftuar detajet nga operacioni i përbashkët kundër trafiqeve, e konkretisht në fushën e shfrytëzimit dhe ushtrimit të prostitucionit". Gjatë operacionit në fjalë u arrestuan shtetasit: Rinard ( Frederik) Tota, 50 50- vjeçari nga Shkodra, Rinard ( Frederik Tota) mësohet se ka qenë militant i Partisë Demokratike dhe një prej mbështetësve të çadrës së protestës. Ai së bashku me dy vajzat që shfrytëzonte për prostitucion ka qenë pjesë e protestës së PD- së para Kryeministrisë.
vjeç, banues në Shkodër, i dënuar disa herë për vepra të ndryshme penale; Kastriot Musa, 41 vjeç, banues në fshatin Barbullush Shkodër; S. M., 32 vjeçe, banuese në qytetin e Shkodrës, e dënuar më parë për veprën penale ushtrim prostitucioni; A. M., 33 vjeçe, banuese në Shkodër; A. Ll., 33 vjeçe banuese në Burrel; A. N., 25 vjeçe, banuese në Lezhë dhe A. M., 33 vjeçe, banuese në Shkodër. Ndërkaq, është proceduar në gjendje të lirë shtetasi K. N., banues në qytetin e Shkodrës. Sipas burimeve policore, dyshohet që Rinard Tota ishte organizator i kësaj veprimtarie kriminale ku prej kohësh shfrytëzonte për ushtrim prostitucioni shtetaset e sipërpërmendura, në lokalin e tij "Tata", në qytetin e Shkodrës. Sakaq, në cilësinë e provave materiale janë sekuestruar ambienti trekatësh në pronësi të shtetasit Rinard ( Frederik) Tota, në të cilin realizohej veprimtaria kriminale; dy automjete tip "Benz" dhe "Land- Rover" në pronësi të
Totës, një pistoletë, shtatë ora dore, një sasi e konsiderueshme bizhuterish floriri të ndryshme, një laptop dhe 8 telefona celularë të markave të ndryshme si dhe një sasi parash të fituara nga ky aktivitet kriminal në prerje të ndryshme lekë, euro, dollarë etj. Materialet i kaluan Prokurorisë pranë Gjykatës së Shkallës së Parë Shkodër për veprat penale: "Prostitucioni", "Shfrytëzim prostitucioni", "Mbajtje e ambienteve për prostitucion" dhe "Pastrim produktesh të veprës penale". Policia e Shtetit po vijon punën intensive në kuadër të operacionit "Forca e Ligjit" për realizimin e plotë të objektivit për shkatërrimin e të gjitha grupeve të skeduara kriminale dhe sekuestrimin e aseteve të tyre financiare.