Fatmir Xhafaj takon homologun në Paris, Franca mbështet Shqipërinë
Collomb: Mes 2 vendeve ka një bashkëpunim të shkëlqyer
Ministri
i Brendshëm, Fatmir Xhafaj zhvilloi dje një takim në Francë me homologun francez Gérard Collomb në një atmosferë të plotë besimi dhe mbështetjeje. Xhafaj në një postim në "Twitter" shprehet se takimi në Paris është zhvilluar në një atmosferë të plotë besimi. "Atmosferë e plotë besimi dhe mbështetjeje në takimin që sapo zhvillova në Paris me homologun dhe mikun francez, ministrin e Brendshëm, Gérard Collomb". Gjithashtu, ministri francez thotë se mes dy vendeve ka një bashkëpunim të shkëlqyer. "Jemi shumë të kënaqur nga zhvillimet pozitive që nga takimi ynë i fundit në korrik. Faleminderit për bashkëpun- imin e shkëlqyer të vendosur mes nesh!". Sakaq, më herët në një prononcim për median, ministri i Brendshëm, Xhafaj ka reaguar në lidhje me procesin e vetingut në polici. Ai është shprehur se synon që së bashku me asistencën ndërkombëtare, procesi i vetingut të mund të përmbyllet brenda këtij viti. "Siç është bërë e njohur, vetingu është në procesin e hartimit të kuadrit ligjor. Besoj se shumë shpejt ju do të njiheni me dokumentin dhe analizën dhe me planin e veprimet. Dhe gradualisht ne do të kalojmë tek aktet rregullatorë, me synimin me shpresën, së bashku me asistencën ndërkombëtare që kemi angazhuar për këtë proces, të mund ta përmbyllim brenda këtij viti", tha ministri i Brendshëm, Xhafa. Gjithashtu, Xhafa ka theksuar se është e vështirë të përcaktohet se sa efektivë policie apo drejtorë policie do t'i largohen organizatës së policisë në kuadër të vetingut.