Përçahen kritikët e Bashës, dy grupe me propozime të ndryshme

"Statut të ri për PD", Harxhi: Përzgjedhja e kandidatëve të nisë nga baza Ndryshimet statutore, Patozi: S'kam lidhje me to

"Iniciativa për ndryshime statutore për bashkimin dhe ringritjen e PD. Ndryshimet për ristrukturimin strukturave të PD kufizojnë pushtetin e kryetarit dhe zvogëlimin e anëtarëve të Këshillit Kombëtar. Të kufizohet numri i anëtarëve të Kuvendit kombëtar të PD", tha Harxhi. "Për shkak të keqkuptimeve të krijuara, qëllimisht ose pa dashje dhe të shumë lajmeve për këtë çështje, që shoqërohen me foton time, jam i detyruar të sqaroj se as e kam lexuar dhe as kam lidhje me atë tekst. Jemi në një fazë më të avancuar të aksionit politik", tha Patozi.

Kritikët e kreut të PDsë, Lulzim Basha, kanë pësuar ' krisjen' e parë pas gjendjes së vështirë të krijuar në PD si rezultat i humbjes së thellë të 25 qershorit. Dy anëtarët e Këshillit Kombëtar të PD- së, Edvin Kulluri dhe Edit Harxhi i dorëzuan dje z. Basha propozime konkrete për ndryshimin e statutit. Por, grupi anti- Basha i krijuar pas marrëveshjes së 18 majit, i kryesuar nga ishnënkryetari i PD, Astrit Patozi dhe ku u bashkuan disa figura të njohura në PD, siç ishin Besnik Mustafai, Majlinda Bregu, Ridvan Bode etj., nuk kanë asnjë lidhje me grupin "Harxhi". Dy prej mbështetësve të "Lëvizjes për Ringritjen e PD- së", në dokument parashikojnë që përzgjedhja e kandidatëve për deputet dhe pushtet vendor të nisë nga baza, si dhe parashikon uljen e numrit të anëtarëve të Këshillit Kombëtar, nga 260 në 120 dhe rrudhje të Kryesisë nga 40 në 25 anëtarë. "Bordi i qarkut në mënyrë të drejtpërdrejtë do të merret me përzgjedhjen përfundimtare, me propozimet që vinë nga degët e PD- së dhe këto propozime së bashku me CV e tyre dhe përmbushjen e të gjitha kritereve do të kalojnë në një proces intervistash për secilin kandidat. Kjo do të ndodhë, pra Bordi do të marrë një vendim jo më vonë se 60 ditë nga afati i vendosur nga KQZ për dorëzimin e listës së kandidatëve", deklaroi zj. Harxhi. Kulluri dhe Harxhi shprehen se ky projekt i tyre pranohet nga ata që njihen si mbështetës të Lëvizjes për Ringritjen e PD- së. "Nuk ka asnjë çarje, nuk ka as divergjenca për këtë çështje, ashtu siç e kemi thënë që platforma për ringritjen e PD- së ka pasur mbështetjen maksimale për shumë elementë të saj që janë racionalë. Nuk ka konkurrencë, ky është një propozim tjetër, i cili në mendimin tonë vlen në mënyrë më afatgjatë", deklaroi z. Kulluri. Dy anëtarët e Këshillit Kombëtar theksojnë se draft- statuti merr modelet më të mira të CDUsë gjermane dhe konservatorëve anglezë.

SHPJEGIMI

Ish- nënkryetari i PD- së, Astrit Patozi, shpjegoi dje në "Facebook" lidhur me projektin për ndryshimet statusore, që sipas shtypit do t'i paraqiten Lulzim Bashës si zgjidhje për krizën politike