Dosja "Habilaj", dekonspirohet operacioni, dëshmon kreu i SHÇBA
Në kërkim 3 ish- zyrtarët, MB: Nga kontrollet në banesë gjetëm prova me vlerë 8 zyrtarë të tjerë të policisë, nën hetim
Pas lëshimit të urdhër arresteve nga Prokuroria e Krimeve të Rënda për 3 ish- zyrtarët e lartë të policisë së Vlorës, në kuadër të hetimit të dosjes "Habilaj", policia ngre dyshime se operacioni është dekonspiruar. Kjo për faktin se nuk është kryer ende asnjë arrestim, pasi asnjë nga ish- zyrtarët nuk është gjetur. Bëhet me dije se dje Prokuroria për Krimet e Rënda ka thërritur për të dëshmuar drejtorin e Shërbimit për Çështjet e Brendshme dhe Ankesat në Policinë e Shtetit, Eduart Merkaj, lidhur me dyshimet për dekonspirimin e aksionit. Ndërkohë, kontrollet e ushtruara në banesat e ish- zyrtarëve Jaeld Çela, Gjergj Kohila dhe Sokol Bode janë sekuestruar prova materiale të konstatuara si me vlerë për hetimet e mëtejshme dhe i janë dërguar zyrtarisht Prokurorisë për Krimet e Rënda, Tiranë. Sakaq, burime nga prokuroria deklarojnë se janë edhe 8 zyrtarë të tjerë nën hetim për trafik të lëndëve narkotike.
HETIMET
Ministria e Brendshme reagon për herë të parë pas lëshimit të urdhër- arresteve nga Prokuroria e Krimeve të Rënda për tre ish- zyrtarët duke sqaruar se pavarësisht kontrolleve të ushtruara në banesa dhe vende ku dyshohet se mund të strehoheshin ish- zyrtarët Çela, Bode dhe Kohila, nuk është bërë e mundur gjetja dhe ndalimi i tyre. 3 ish- zyrtarët janë shpallur në kërkim dhe ka dyshime të forta se janë larguar jashtë vendit. Gjithashtu, ndaj tyre është marrë vendim për përjashtim nga radhët e Policisë së Shtetit. Mësohet se ministri i Brendshëm, Fatmir Xhafaj, ka kërkuar sqarime nga vartësit e tij, pasi dyshohet se oficerë apo zyrtarë të tjerë dekonspiruan operacionin, ku u bë i mundur dhe largimi i ish- zyrtarëve. Bëhet me dije se shumë pak persona kanë pasur dijeni për emrat e ish- zyrtarëve që kërkoheshin për t'u arrestuar. Ndërkohë, kreu i prokurorisë për Krime të Rënda, Besim Hajdarmataj ka thërritur mëngjesin e së enjtes Edi Merkaj, drejtuesin e Shërbimit të Ankesave dhe Çështjeve të Brendshme. Merkaj është kërkuar për të analizuar arsyet e moskoordinimit mes institucioneve, gjë e cila u krijoi mundësinë tre ish- drejtuesve të policisë të zhduken pa gjurmë. Në datë 22 nëntor 2017, rreth orës 10: 30 minuta, Shërbimi për Çështjet e Brendshme dhe Ankesat ( SHÇBA) në Ministrinë e Brendshme ka marrë nga Prokuroria për Krimet e Rënda dy urdhra- ndalimi dhe një vendim të Gjykatës për Krimet e Rënda, për masë sigurie në mungesë "Arrest në burg". Urdhër- ndalimet janë nxjerrë për shtetasit: Jaeld Çela, ish- drejtor i Policisë Vendore Vlorë, liruar nga detyra dhe nxjerrë në dispozicion që prej muajit prill 2017, i dyshuar për veprat penale "Kultivimi i bimëve narkotike" dhe "Trafikim të narkotikëve", të kryer në bashkëpunim në formë të posaçme të grupit të struktu- Ministri i Brendshëm, Fatmir Xhafaj, ka kërkuar sqarime nga vartësit e tij, pasi dyshohet se zyrtarë të tjerë dekonspiruan operacionin, ku u bë i mundur edhe largimi i ish- zyrtarëve. Bëhet me dije se shumë pak persona kanë pasur dijeni për emrat e ishzyrtarëve që kërkoheshin për t'u arrestuar.
ruar kriminal. Gjergj Kohila, ish- shef i Sektorit Kundër Krimit të Organizuar në Vlorë, liruar nga detyra dhe nxjerrë në dispozicion që prej muajit maj 2017, i dyshuar për veprat penale "Kultivimi i narkotikëve" dhe "Grup i strukturuar kriminal". Vendimi i gjykatës në mungesë për masën e sigurisë "Arrest në Burg" është nxjerrë për shtetasin Sokol Bode, ish- shef i Postës së Policisë Kufitare Dhërmi, Vlorë, i pezulluar nga detyra në datë 25 tetor 2017, i dyshuar për veprat penale "Kultivimi i narkotikëve" dhe "Grup i strukturuar kriminal".