Kryemadhi: Rama e Tahiri e dinë ku fshihen të kërkuarit e drejtësisë

Qeveria vendos: Punonjësit e shtetit, pushim edhe më 27 nëntor Kryetarja e LSI- së: Fronti opozitar të shporrë këtë qeveri "Kryeministri ka frikë më shumë se Çako e 3 zyrtarët"

Qeveria

vendosi dje t'u japë edhe një ditë më tepër pushim punonjësve të administratës shtetërore. Kështu, përveç datave të 28 dhe 29 nëntorit që janë festat kombëtare, punonjësit e administratës do të kenë pushim edhe ditën e hënë, datën 27 nëntor, për t'u rikthyer në punë më 30 nëntor. Ky vendim është marrë në mbështetje të neneve 95, pika 2, dhe 100, të Kushtetutës, me propozimin e kryeministrit. Sipas vendimit, dita e punës së datës 27 nëntor 2017 do të zëvendësohet në një nga ditët e pushimit brenda këtij viti. Ngarkohen institucionet e administratës shtetërore për zbatimin e këtij vendimi.

Kryetarja e LSI- së, Monika Kryemadhi tha dje në një dalje për mediat se, "urdhërarrestet për 3 ish- drejtuesit e lartë të Policisë së Shtetit janë faktet më të fundit alarmante për të treguar që rendi nuk ekziston më në Shqipëri". Sipas saj, përfshirja në trafikun ndërkombëtar të lëndëve narkotike të kupolës së Policisë së Shtetit vërteton edhe njëherë akuzat e LSI- së dhe të një pjese të medias se narkoshteti nuk ka ndaluar aktivitetin e tij. "Përkundrazi - vijoi Kryemadhi - me fshehjen që po u bën 3 të akuzuarve të drejtësisë po vërteton përpara shqiptarëve se vijon të jetë pjesë e banditizmit të Habiljave apo të bandave të tjera që kanë në pronësi drogën në Shqipëri". "Ky veprim i sotëm është në vazhdim të mbrojtjes së bandave të drogës dhe tregon edhe njëherë, se sot e kësaj dite nuk janë ndaluar nga policia 2 vëllezërit Habilaj, të cilët janë në kërkim. Askush më mirë se Edi Rama nuk e di se ku fshihen të kërkuarit e Drejtësisë", u shpreh kryetarja e LSI- së. Sipas saj, "ai së bashku me mikun e tij dhe bashkëpunëtorin e tij, Saimir Tahiri janë në dijeni të çdo lëvizjeje të tyre dhe janë në dispozicion të fshehjes së tyre. Kjo për faktin e thjeshtë se kanë frikë se nëse dikush nga ata flet, flet për çorbën që zien në kazanin e krimit, e cila do të nxjerrë në krye të saj emrin e Edi Ramës, njeriu që mban përgjegjësinë kryesore për kanabizimin dhe banditizmin e qeverisjes në Shqipëri". "Njeriu që sot ka frikë më shumë se 3 policët e akuzuar për trafik, por edhe më shumë se sa vetë Haki Çako apo drejtues të tjerë të policisë që janë njësoj të implikuar në trafikimin dhe bashkëpunimin me bandat kriminale, me të njëjtat banda që garantuan fitoren me votat e blera, me paratë e krimit, të njëjtat banda që i japin sot garancinë Edi Ramës se do të vijojë të drejtojë Shqipërinë", akuzoi kryetarja e LSI- së. "Ndaj, sot më shumë se kurrë fronti ynë opozitar kundër krimit të organizuar dhe mafies që mban peng pushtetin e blerë me votat e drogës duhet të bashkojmë forcat dhe të shporrim njëherë e mirë nga pushteti këtë lloj politikani që është përlyer në pazare dhe trafiqe me banditë", tha ajo. "Sot Edi Rama dhe oborri i tij heshtin për skandalin e radhës, hesht ish- ministri dhe drejtori i Përgjithshëm i Policisë, por ta kenë të qartë se heshtja e tyre nuk do t'i shpëtojë dot as nga fajësia dhe përgjegjësia që kanë për katastrofën ku po çojnë Shqipërinë. Sot dua të përshëndes deklaratën e ambasadorit të Shteteve të Bashkuara të Amerikës në OSBE për gjuhën e tij të drejtpërdrejtë në këtë situatë për të cilën ndodhet Sh- qipëria. LSI ka të njëjtin qëndrim të palëkundur se korrupsioni dhe kriminaliteti ngelen pengesat më të mëdha për zhvillimin e Shqipërisë", deklaroi Kryemadhi. Kjo deklaratë, e cila sipas saj flet me emra të përveçëm dhe vendos gishtin mbi plagë është e kundërta e gjuhës së rrumbullakosur që kemi dëgjuar rëndom për këtë situatë kritike ku krimi dhe droga janë ulur këmbëkryq në qeverisjen e Rilindjes.