"Habilaj", Basha: Rama e Xhafaj dekonspiruan operacionin e arrestimit
Shkarkimi i Llallës dhe Zgurit, opozita skenar për të parandaluar mazhorancën "Së shpejti denoncojmë skandalin tjetër"
Kreu i PD- së, Lulzim Basha, paralajmëroi dje se një tjetër denoncim që ka lidhje me "skandalet e kësaj qeverie" do të bëhet publik shumë shpejt, i cili është marrë nga burimet e partnerëve. Z. Basha takoi dje në ambientet e kryesinë së Kuvendit anëta- rët e PD- së në Komisionin e Sigurisë për të vendosur për hapat që do të ndërmarrë opozita kundër krimit dhe lidhjeve të tij me pushtetin. Z. Basha iu përgjigj akuzave të PS- së për përdorim sipas tyre nga Basha dhe PD të parave të pista për lobim me kompaninë ' offshore' amerikane, duke e cilësuar shashkë të bazuar në trillime. Basha paralajmëroi publikimin e një tjetri skandali qeveritar, për të cilin tha se është vënë në dijeni nga partnerët ndërkombëtarë dhe që po shqyrtohet nga ekspertët e selisë blu. Basha bëri të qartë se lufta kundër krimit të organizuar dhe dekriminalizimit të qeverisë është emergjencë dhe për kreun e PD- së, largimi i Edi Ramës është hapi i parë. "Një shashkë e bazuar në mashtrime, që s'mund të largojë vëmendjen nga skandalet e jashtëzakonshme të kësaj qeverie, as nga një skandal i madh që është vënë në dijeni të opozitës nga burime të partnerëve dhe po studiohet nga ekspertët tanë të sigurisë dhe të ligjeve. Këto fakte dhe të tjera të sjella në vëmendjen e opozitës do t'i bëhen të njohura publikut", deklaroi z. Basha, i cili pak më parë denoncoi i pari përmendjen e Vangjush Dakos në përgjimet e EULEX- it. Z. Basha akuzoi ministrin e Brendshëm, Fatmir Xhafaj se me urdhër të kryeministrit Edi Rama ka dekonspiruar operacionin për arrestimin e tre ish- zyrtarëve të lartë të policisë. "Dekonspirimi i operacionit për arrestimin e 3 zyrtarëve të policisë u bë nga Xhafaj me porosi të Ramës për të mbrojtur Tahirin. Policia e Shtetit dhe Ministria e Brendshme kanë funksionuar si organizatë kriminale. Vetingu duhet të nisë me Ministrinë e Brendshme dhe qeverinë. Hapi i parë është largimi i Ramës nga kreu i qeverisë", u shpreh z. Basha. Kreu i opozitës i kërkoi prokurorisë të arrestojë Saimir Tahirin dhe të thellojë hetimet për zyrtarët e policisë të lidhur me krimin. "Prokuroria të hetojë kokat e policisë dhe të arrestojë Tahirin. Rama bëri gjithçka për të ndaluar arrestimin e Tahirit dhe shefat e policisë së korruptuar. Opozita parashtron si domosdoshmëri largimin e Ramës. Emergjencë absolute, pastrimi i qeverisë nga krimi dhe kjo nis me largimin e Ramës", tha Basha. Kryetari i Partisë Demokratike, Lulzim Basha, foli edhe për çështjen e kryeprokurorit të ri, teksa akuzoi se mazhoranca nuk ka asnjë mundësi kushtetuese që të shkarkojë kre- Prokuroria ka nisur verifikimet për kontratën e PD me një kompani amerikane të lobimit. Kontrata mes PD dhe "Stonington Strategies" kapte vlerën e 25 mijë USD në muaj. Afati i kontratës ishte tremujor dhe qëllimi ishte "projektimi dhe implementimi" i fushatës së PD. un e KQZ- së, Klement Zgurin dhe paralajmëron se nëse e bën, do të marrë përgjigjen e duhur nga opozita. "Nuk ka mundësi kushtetuese që kreu i KQZ të shkarkohet nga kjo mazhorancë. Çdo hap do të marrë përgjigjen e merituar", deklaroi kreu i PD- së. Edhe sa i takon kryeprokurorit, Basha këmbëngul se nuk mund ta emërojë Edi Rama. "Prokurorin nuk mund ta emërojë as Edi Rama, as Saimir Tahiri dhe as Vangjush Dako. Kemi plan të plotë veprimi për të parandaluar në mënyrë ligjore dhe për t'iu përgjigjur çdo veprimi antikushtetues", - tha Basha.