Shkarkimi i Zgurit, Arben Ristani: Mazhoranca, metoda antiligjore

Ish-

kryetari i KQZ- së, Arben Ristani, shprehet se ligjër isht PS- ja nuk mund ta shkarkojë Klement Zgurin nga kryesimi i Komisionit Qendror të Zgjedhjeve. Ristani del në krah të Zgurit, ndërsa akuzon Partinë Socialiste për vendimin e saj. "Mundet sepse lidershipi i PS, apo Rama, nuk ka asgjë të pamundur, është një njeri që nuk ka të bëjë me ligjet dhe rregullat e këtij vendi. Kështu që për njerëz të tillë, për një gjendje natyrore në pyll, gjithçka mund të ndodhë", tha Ristani. Për të treguar paligjshmërinë e shkarkimit, Ristani citon Kodin Zgjedhor, që parashikon rastet e largimit të parakohshëm të mandatit të kryetarit të KQZ. "Kodi Zgjedhor përcakton që është KQZ që shikon dhe monitoron edhe punën e kryetarit tët tij dhe në rast se konstatohen shkelje, është po KQZ ajo që i drejtohet parlamentit për të nisur procedura të tilla, nuk janë partitë politike. Nga ana ligjore është pamundur", deklaroi Ristani për "Report TV". Si sekretar i përgjithshëm i PD- së, Ristani sqaroi edhe qëndrimin e demokratëve për të ndaluar shkarkimin. "PD nuk ka rrugë të tjera përveç atyre ligjore dhe përveç faktit që është zëdhënëse edhe e interesit publik në këto raste, për t'i bërë të ditur publikut dhe ndërkombëtarëve që në Shqipëri nuk zbatohet ligji dhe Kushtetuta", u shpreh Ristani. Por a ndikon sjella politike në punën normale të KQZ? "Të gjitha sjelljet antiligjore ndikojnë në të gjitha institucionet, jo vetëm në KQZ. KQZ është një institucion si të gjitha institucionet e këtij vendi, që ka nevojë të shohë partneritet pro ligjit në të gjithë vendin", tha Ristani.