Nis vetingu në polici, dështojnë 40 efektivët e parë, nuk marrin certifikatat e sigurisë
Lëvizje në radhët e bluve në drejtoritë e 12 qarqeve
TIRANË - Vetingu në polici ka nisur para janarit, kur sipas Ministrisë së Brendshme, procesi do të nisë zyrtarisht. Drejtoria e Sigurimit të Informacionit të Klasifikuar po kthen përgjigje negative për pajisjen me certifikatën e sigurisë të zyrtarëve të policisë të niveleve të ndryshme. "Top Channel" mëson se rreth 40 efektivëve i është refuzuar rinovimi i certifikatave të kategorive "sekret" dhe "tepër sekret". Për këtë arsye, burimet thonë se ditët e fundit ka pasur disa lëvizje në radhët e policisë, që kanë prekur shefin e komisariatit të Peshkopisë, shefin e kufirit në Dibër, shefin e qarkullimit rrugor në Gjirokastër, shefin e komisariatit të Sarandës dhe disa oficerë antidrogë në drejtoritë vendore të 12- të qarqeve të vendit. Për këto lëvizje nuk ka një njoftim zyrtar nga policia. Por, burimet pohojnë se disa prej efektivëve kanë kaluar në dispozicion, ndërsa ligji parashikon që në rast të mo- spajisjes me certifikatë sigurie, subjekti kalon në një detyrë tjetër, ku nuk njihet me informacione të klasifikuara. Për pajisjen me certifikatë sigurie verifikimet kryen nga 3 institucione dhe konkre-
LEVIZJET
Mësohet se ditët e fundit ka pasur disa lëvizje në radhët e policisë, që kanë prekur shefin e komisariatit të Peshkopisë, shefin e kufirit në Dibër, shefin e qarkullimit rrugor në Gjirokastër, shefin e komisariatit të Sarandës dhe disa oficerë antidrogë në drejtoritë vendore të 12- të qarqeve të vendit.
tisht: Shërbimi për Çështjet e Brendshme dhe Ankesave ( SHÇBA), Shërbimi Informative Shtetëror ( SHISH) dhe Drejtoria e Sigurimit të Informacionit të Klasifikuar.