Arratia e 3 policëve, Xhafaj: S'ishin nën vëzhgimin tonë
Ministri: Në Shqipëri ka shumë grupe të strukturuara kriminale, do i shkojmë deri në fund operacionit "Forca e Ligjit" "Të pyetet prokuroria se me kë i ka pasur nën vëzhgim tre ish- shefat"
Ministri i Brendshëm, Fatmir Xhafa konfirmoi dje se ka depozituar kallëzim penal për dekonspirimin e arrestimit të tre ish- zyrtarëve të policisë, të cilët prej disa ditësh janë në arrati. Ai ka reaguar në një deklaratë për mediat, në lidhje me akuzat se dekonspirimi i operacionit për vënien në pranga të tre drejtuesve të Drejtorisë së Policisë së Vlorës është bërë nga Policia e Shtetit. Sipas kreut të Ministrisë së Brendshme, tre ish- oficerët: Jaeld Çela, Sokol Bode dhe Gjergji Kohila nuk kanë qenë në vëzhgim nga Policia e Shtetit. Ai deklaroi se prokuroria nuk i ka lënë detyrë policisë që ish- shefat të mbahen nën vëzhgim. "Nuk kanë qenë në vëzhgimin tonë. Në momentin që është vënë në dijeni policia, atëherë ka filluar procesi i mbykëqyrjes nga policia. Përpara këtij fakti nuk ka pasur dijeni policia për një gjë të tillë. Ose më saktë, nuk i ishte lënë policisë kjo detyrë", u shpreh Xhafaj. Ndërkaq, ai pohoi se as Shërbimi për Çështjet e Brendshme dhe Ankesave ( SHÇBA) nuk ka pasur dijeni për urdhër- arrestet deri të mërkurën. "Deri më datë 22 nëntor, kur SHÇBA ka marrë aktet, nuk ka pasur dijeni për këtë gjë. Çfarë ka ndodhur më përpara, duhet të pyesni prokurorinë se më kë i ka pasur nën vëzhgim", tha Xhafaj. I pyetur nga gazetarët se si ka mundësi që arratisen në mes ditës tre ish- zyrtarë të lartë të Policisë së Shtetit, kreu i Ministrisë së Brendshme u shpreh se, "ne nuk e dimë në mes të ditës apo të natës. Këtë mund ta dini ju. Nëse keni ndonjë fakt plus, është mirë që t'ia jepni prokurorisë". Fatmir Xhafaj mohoi të ketë emra konkretë se kush e dekonspiroi operacionin për arrestimin e Jueld Çelës, Sokol Bodes dhe Gjergji Kohilës, të tre ish- drejtues të Policisë së Vlorës, të akuzuar si pjesë e trafikut ndërkombëtar të drogës nga Habilajt. "Po të kisha emra konkretë, të jeni të sigurt se nuk do hezitoja t'i çoja atje ku duhen çuar". Gjithashtu, ai pohoi se, "në Shqipëri ka shumë grupe të strukturuara kriminale dhe qeveria është e vendosur t'i shkojë deri në fund operacionit ' Forca e Ligjit' për shkatërrimin e segmenteve të krimit. Është një proces, i cili sapo ka filluar. E rëndësishme është se kushdo që i shmanget drejtësisë, duhet të jetë objekt i punës së poli- Fatmir Xhafaj dje deklaroi se as Shërbimi për Çështjet e Brendshme dhe Ankesave ( SHÇBA) nuk ka pasur dijeni për urdhër arrestet deri të mërkurën. “Deri më datë 22 nëntor, kur SHÇBA ka marrë aktet, nuk ka pasur dijeni për këtë gjë. Çfarë ka ndodhur më përpara duhet të pyesni Prokurorinë se më kë e ka pasur nën vëzhgim”, tha ministri i Brendshëm.
cisë për të shkuar përpara drejtësisë". Dy ditë më parë, ministri i Brendshëm, Xhafaj ka depozituar një kallëzim penal në prokurori në lidhje me dekonspirimin e operacionit për kapjen e 3 ish- zyrtarëve të policisë, të dyshuar si të implikuar në trafikimin e lëndëve narkotike.
HETIMI
Ish- drejtori i policisë së Vlorës, Jaeld Çela; ish- shefi i Krimit të Organizuar, Gjergj Kohila dhe ish- shefi i Postës Kufitare të Dhërmiut, Sokol Bode vijojnë të jenë në arrati, por hetuesit dyshojnë se ata fshihen në Shqipëri. Ndonëse për ta ka të dhëna daljesh në sistemin TIMS, prokuroria dyshon se nuk mund të jenë regjistruar në hyrje. Gjatë kontrollit në banesat dhe ambientet ku qëndronin tre ish- zyrtarët,
nuk u bë e mundur gjetja dhe arrestimi i tyre nga policia, fakt ky që ngriti dyshime të forta se operacioni është dekonspiruar. Ndërkaq, organi i akuzës ka nisur hetimet edhe për zyrtarë të tjerë të policisë, që kanë akses në informacion dhe mund të kenë
lajmëruar të dyshuarit që të largoheshin. Masa e ndalimit ndaj tre ish- zyrtarëve është dhënë, pasi akuzohen për mosveprim ndaj kultivimit të kanabisit në qarkun e Vlorës, duke lejuar trafikimin e drogës së Habilajve në drejtim të Italisë.