OSHEE, skemë për pagesën me këste të faturës së dritave
Operatori vijon aksionet kudër vjedhjes së energjisë, OSHEE u rikujton abonentëve skemat lehtësuese Abonentët familjarë dhe bizneset, ja si ndahen pagesat për kamatat
Pagesa me këste e ka matëvonesave për faturat e prapambetura të energjisë elektrike do të jetë e vlefshme deri në 31 dhjetor të këtij viti. Ndërkohë që Operatori i Shpërndarjes së Energjisë Elektrike u kujton abonentëve të lidhin kontrata për të përfituar nga skema e pagesës me këste, duke specifikuar edhe rastet kur ulet kamatëvonesa për abonentët familjarë dhe bizneset. Operator i Shpërndarjes së Energjisë Elektrike lajmëron se abonentët që do të gjenden në shkelje do të ndëshkohen. Kështu, vetëm dje grupet e Task Forcë, në prani të policisë gjyqësore kanë proceduar 32 abonentë nga Ballshi, Fieri, Roskoveci, Patosi, etj. Këta shtetas janë shoqëruar në polici, pas procesverbalit të hartuar nga Task Forcë e OSHEE dhe përfaqësues të policisë gjyqësore mbi shkeljen e bërë, në kundërshtim me nenin 137 të Kodit Penal. Vjedhjet e konstatuara janë kryesisht: cenim i matësit, ndërhyrje në matës për të manipuluar të dhënat, lidhje të paligjshme, furnizim pa pasur kontratë me OSHEE, etj.
ABONENTËT FAMILJARË
Për kategorinë e abonentëve familjarë, skema parashikon ndarje të kësteve në mënyrë të barabartë, në varësi të shumave. Kështu, në rast se familjari e paguan të gjithë detyrimin njëherësh, i ulet kamatëvonesa me 70%. Dhe në rast se abonenti do të paraqitet brenda 6 muajve nga firmosja e aktmarrëveshjes për paguar detyrimin, atëherë do të përfitojë 50% të reduktimit të kamatës në datën e mbylljes së detyrimit. Ndërkohë që dokumentacioni i nevojshëm për të përfituar nga skema është kopje e librezës ose e faturës së fundit. Ndërsa, në rastet kur mbajtësi i kontratës në sistem nuk është i njëjtë me personin që është mbajtësi, atëherë kërkohet edhe dokumenti i pronësisë në një nga
format ligjore të tyre që janë parashikuar në procedura.
KATEGORIA PRIVAT
Për klientët e lidhur në Tension të Ulët ( TU) ofrohet pagesë me këste sipas masës së detyrimit. Produktet për bizneset e lidhura në Tension të Mesëm ( TM) mbeten të pandryshuar dmth., afati maksimal i ripagesës, ba-
zuar në detyrimin ligjor për dalje nga rrjeti i OSHEE - 20 KV deri në fund të vitit 2016 dhe 10/ 6 KV deri në fund të vitit 2017. Për herë të parë, biznesit ( kategoritë TU dhe TM) i jepet mundësia t'i reduktohet me 50% kamatëvonesa, nëse paguan të gjithë detyrimin njëherësh. Dokumentacioni i
nevojshëm për të lidhur kontratën është kopje web e QKR të shoqërisë ose personit fizik, identifikimi i administratorit të shoqërisë ose personit fizik. Për SHPK dhe SHA duhet autorizimi nga organet përkatëse për lidhjen e AKM dhe identifikim i të autorizuarit, nëse ka të tillë.
Afatet e ripagesës nuk kalojnë datën 30 prill 2019 për bashkitë. Sipas OSHEE, për institucionet e qeverisjes qendrore dhe shoqëritë me kapital shtetëror, afatet e ripagesës janë sipas tabelës si më poshtë: Në rast
ripagese të detyrimit total nga të gjitha kategoritë, ofrohet reduktim i kamatës në masën 50%. Për lidhjen e AKM, këto kategori të drejtohen në Drejtorinë Qendrore në Tiranë, pranë sektorit të mbledhjes së debisë të buxhetore dhe jobuxhetore, në departamentin e shitjes dhe arkëtimeve.