Luftë me policinë greke, kapet gomonia me 1.6 tonë marijuanë
Mjeti lundrues me fuqi motorike 350 kuaj dhe 12 metra e gjatë, fotot Aksion në ajër dhe det, në pranga 6 shqiptarë
Shkëmbim zjarri mes policisë e trafikantëve, motoskafë, helikopterë e snajperë, në këtë situatë pas mbi 24 orë ndjekje, policia greke ka arritur të kapë një gomone transoqeanike të mbushur me 1.6 tonë marijuanë e cila ishte ngarkuar në Shqipëri. Gjatë këtij superaksioni ranë në pranga 10 pjesëtarë të organizatës ndërkombëtare të drogës, mes tyre 6 shqiptarë, përfshi dhe 3 drejtuesit e gomones. Një prej skafistëve u plagos gjatë shkëmbimit të zjarrit dhe u dërgua në spital. Vetë mediat e shtetit fqinj e quajtën këtë ngjarje si "Operacioni më i madh në historinë e policisë kufitare greke". Në një deklaratë zyrtare për shtyp pasditen e djeshme, policia greke dha detaje për kapjen e gomones me drogë të nisur nga Shqipëria. Gjatë deklaratës, policia greke theksoi se operacioni erdhi pas grumbullimit të informacionit mbi një organizatë ndërkombëtare të trafikut të drogës me mjete të shpejta ujore, e cila vepronte në mënyrë sistematike. Policia kishte informacion mbi emrat e pjesëtarëve të organizatës, veprimet e tyre, të dhëna mbi gomonen etj., dhe për këtë organizoi operacionin ku morën pjesë skafe të policisë, avion i FRONTEX, helikopter dhe snajperistë.
OPERACIONI POLICOR
Organet policore dhe informative greke kishin siguruar informacion prej disa javësh për një grup të strukturuar ndërkombëtar droge në linjën Shqipëri- Greqi- Itali dhe kanë marrë informacion për nisjen e një ngarkese në orët e para të së premtes nga jugu i Himarës për në Greqi. Policia greke ka pritur mjetin lundrues në veri të Korfuzit me disa skafe të saj, por është përballur çuditërisht me një gomone të gjatësisë 12 metra