Rama: Mision i posaçëm, t'i bëjmë të rinjtë të dobishëm për vendin
Xhaçka nderon me ' Medaljen e Mirënjohjes', katër ushtarakë që shpëtuan jetë njerëzish Formim ushtarak për ata që s'kanë orientim të qartë arsimor
Kryeministri Edi Rama së bashku me ministren e Mbrojtjes u kanë dorëzuar dje, në Ditën e Çlirimit të Shqipërisë, medalje katër ushtarakëve që kanë vënë jetën në rrezik dhe kanë shpëtuar jetë njerëzish. Në një ceremoni të posaçme, ku i pranishëm ishte edhe ambasadori amerikan Donald Lu e veteranë të luftës e ushtarakë të FASH, ministrja e Mbrojtjes, Olta Xhaçka u shpreh: "Këta ushtarakë nuk kanë luftuar armikun klasik, por kanë vënë veten në rrezik për të shpëtuar jetë njerëzore. Janë profesionistët e thjeshtë, heronjtë pa emër, që gjenden të parët aty ku një jetë njerëzore është në rrezik, ku ngrihet një urë, apo kur refugjatët në ujërat ndërkombëtare kanë nevojë për ndihmë", u shpreh ministrja. Kryeministri Edi Rama në fjalën e tij u shpreh: "Janë të rinjtë shqiptarë, ata që duhet të kujdesen për flakën e kujtimit të Luftës Nacionalçlirimtare, si një pishtar i pazëvendësueshëm në ndriçimin e rrugës së të ardhmes, ku përditë duhet të njohim vetveten si komb, si shoqëri dhe si shtet.
Nuk ka sot një shembull më kuptimplotë e më solid në fushën e jetës shoqërore, sesa shembulli këtyre ushtarakëve. Ishte vërtet prekëse të dëgjoje secilin prej tyre, që pas marrjes së dekoratës, të nderonin ministren e Mbrojtjes me fjalët: I shërbej Republikës së Shqipërisë!", - u shpreh Kryeministri. "Sot më vjen shumë mirë të them se Vitin Mbarëkombëtar të Gjergj Kastriot Skënderbeut nuk e kemi parë si një vit për t'u kthyer pas, si një vit për t'u rënë daulleve të nacionalizmave të së shkuarës, si një vit për të rrahur gjoksin për bëmat e atyre që shkruan emrin në historinë e këtij vendi me gjak apo me penë, por e kemi parë si një vit për të nxitur burimet e energjive më pozitive të kësaj shoqërie dhe posaçërisht si një vit për t'u dhënë mundësinë më të rinjve që të shfrytëzojnë instrumente të rinj për të njohur më shumë vetveten dhe për t'u bërë më të dobishëm për ven- "Sot më vjen shumë mirë të them se Vitin Mbarëkombëtar të Gjergj Kastriot Skënderbeut nuk e kemi parë si një vit për t'u kthyer pas, si një vit për t'u rënë daulleve të nacionalizmave të së shkuarës, si një vit për të rrahur gjoksin për bëmat e atyre që shkruan emrin në historinë e këtij vendi me gjak apo me penë, por e kemi parë si një vit për të nxitur burimet e energjive më pozitive të kësaj shoqërie", tha Rama.