Projektbuxheti 2008, skenari i përballjes së PD, sot në Kuvend
Propozimet e opozitës, nga ulja e taksave tek rritja e pagave dhe pensioneve Basha: Betejë kundër projektit mafioz të Ramës
Opozita do të kundër shtojë sot projekt buxhetin 2018 për- mes amendimeve që i ka bërë draftit të qeverisë. Partia Demokratike propozoi dje 16 amendamente për buxhetin e vitit të ardhshëm. Duke marrë shkas nga mungesa e investimeve të huaja, demokratët propozojnë ndryshimin e shkallës së tatim- fitimit në masën e 9% nga 15 që është aktualisht, ndërsa kërkojnë konsensus për rikthimin e taksës së sheshtë prej 10 për qind. Gjithashtu, opozita propozon uljen e TVSH- së në masën e 15%, teksa kërkon që pragu për biznesin e vogël të jetë 12 mln lekë. Duke theksuar se taksa progresive rëndon shtresën e mesme dhe rrogëtarët, demokratët kërkojnë që kjo nga kjo taksë të përjashtohen pagat deri në 35.000, mbi këtë prag, opozita propozon taksim në masën e 9 %. Një tjetër propozim i Partisë Demokratike ka të bëjë me koncesionet, duke kërkuar që ato të regjistrohen si borxh publik, PD propozon që tavani për vlerën totale të kontratave koncesionare/ PPP- të ekzistuese dhe ato të kontraktuara për vitin 2018, në përputhje me të dhënat e regjistrit të koncesioneve, të jetë 40.1% e PBB- së. Teksa kërkon uljen e taksës së qarkullimit, opozita kërkon gjithashtu që buxheti për arsimin të jetë 5%, ndërsa pensionistët të marrin një shpërblim sa gjysma e pensionit të tyre.
DEKLARATA
Kreu i PD- së, Lulzim Basha paralajmëroi betejë në seancën e sotme plenare kundër atij që e quan buxhet mafioz të Edi Ramës. Kreu i demokratëve tha pas mbledhjes së grupit parlamentar se opozita është e vendosur të frenojë projektin kriminal të pastrimit të parave të pista. "Blloku i parave që do u çohet si patë e pjekur oligarkëve dhe karteleve të krimit për të pastruar paratë e drogës përmes skemës së koncesioneve, që u kushton qindra milionë euro shqiptarëve dhe skemës së parave të pista PP 1 miliardësh të zhbëhet. Këto para të shkojnë aty ku Shqipëria ka më shumë nevojë", tha z. Basha. Sipas tij, 16 amendamentet e PD- së do të ulin barrën fiskale për shqiptarët. "Duke propozuar taksën e sheshtë 9%, TVSH 15%, pragu për TVSH e biznesit të vogël 12 milionë lekë në vit. Qëndrimi i PD- së ka qenë dhe mbetet i vendosur kundër këtij projektbuxheti, që duhet të jetë akti i fundit i kësaj qeverie që ne nuk do ta lëmë të miratohet. Pjesë e këtij qëndrimi do të jetë edhe dita e nesërme në parlament. Ne do të paraqesim amendamente në Kuvend, të cilat synojnë në radhë të parë të zhbëjnë sistemin kriminal të taksave që është propozuar këto 4 vite", tha z. Basha. PD kërkon heqjen e taksës së qarkullimit, që sipas opozitës, çon në uljen e çmimit të karburantit me 20 lekë për litër. Rritja me 20% e fondit të ndihmës ekonomike, rritja e pagave dhe pensioneve, subvencione për fermerët, si dhe libra falas për nxënësit deri në klasën e 9 janë disa nga propozimet e demokratëve. Kreu i PD- së paralajmëroi dje publikimin e dosjes së radhës, që ka të bëjë me skandalet e qeverisë. Z. Basha tha se materiali që disponon PD po analizohet për besueshmërinë dhe po analizohen provat. "Një gjë është e sigurt, gjithçka që na vjen në vëmendje dhe verifikohet se ka besueshmëri, hapi i parë është t'u bëhet publik qytetarëve përmes mediave".