Hop cilësor me Luksemburgun
Dëshmia më e freskët e këtij hopi ishte pritja dhe mbrëmja festive që ambasada jonë me seli në Bruksel organizoi disa ditë më parë në Luksemburg. Ishte aktiviteti i parë pas dy dekadash i këtij formati me rastin e Ditës së Flamurit. Merita u takon dhe dashamirësve të vendit tonë, që me mbështetjen e tyre bënë të mundur zhvillimin e kësaj veprimtarie të bukur në hotelin më prestigjioz, me një prani elitare e të larmishme, të shoqëruar nga tingujt e muzikës tradicionale dhe pamjet mbi transformimet e shumta në vendin tonë. Kur flitet për një hop e pse jo kthesë cilësore në marrëdhëniet me një vend me vetëm 550.000 banorë dhe sipërfaqe 2856 km katrorë, dikush mund të ngrejë supet. Mirëpo fakt është se vetëm këto dy tregues gjeografikë të Luksemburgut janë të "vegjël". Gjithë treguesit e tjerë jetikë, nga emri, historia, traditat dhe mundësitë e bashkëpunimit, janë "të mëdha". Në aspektin ekonomik, Luksemburgu ka GDPnë më të lartë në botë për frymë, ka mbi 150 banka private, Fondin më të madh të Investimeve në Evropë dhe të tjerë tregues të spikatur.
Gjithsesi, mjaftojnë vetëm disa fakte që përmenden më poshtë për të kuptuar se aseti më madhor i lakmueshëm, një model nga i cili kushdo mund të mësojë shumë është fryma dhe orientimi i theksuar EuroAtlantik i Luksemburgut. Me vizionin e tyre largpamës, liderët e tij bashkë me ata të Belgjikës dhe Holandës krijuan Bashkimin e tyre Ekonomik dhe Doganor qysh në vitin 1944 në mërgim në Britani. Falë përvojës së gjatë e të pasur, "Benelux" është "inkubator, labora- tor dhe kopsht eksperimental" ligjor për BE- në" në fushat më jetike të tij, si dhe model për "Beneluksin Ballkanik".
Mbi të gjitha, Luksemburgu është bashkëthemelues i OKB- së, NATO- s dhe një nga 6 vendet e para të BE- së qysh me krijimin e saj më më 1957, etj.
Ndaj, vërtet që "boshti"/" motori" i BE- së ishte dhe mbetet Franca & Gjermania; por, prania sidomos e Luksemburgut pati domethënien e vet të veçantë simbolike dhe politike. Mesazhi ishte se tashmë BE do të përfaqësonte pa dallim të gjitha vendet, të mëdha e të vogla, fituese dhe humbëse, sipas parimit "me BE fitojnë të gjithë"
Luksemburgu është "bujtës" i institucioneve të rëndësishme evropiane, si Gjykata Evropiane e Drejtësisë, Banka Evropiane e Investimeve ( BEI) etj. Për rrjedhojë, krahas Brukselit dhe Strasburgut, qyteti i Luksemburgut është "kryeqyteti" i tretë i Evropës.
Ky vend i ka dhënë BE- së dy Presidentë të Komisionit Evropian - Jacques Santer dhe tani Jean Claude Juncker bashkë me disa komisionerë, miq dhe dashamirës të vendit tonë.
Duke patur shumë pika të përbashkëta të të kaluarës me vendet e rajonit tonë, Luksemburgu i ka thënë ndër të parët "PO" aderimit të tyre në NATO dhe në BE. Këtë mbështetje pa rezerva ai e ka dhënë sidomos për vendin tonë gjatë 27 viteve të fundit, duke filluar nga ndihmat ekonomike dhe humanitare për spitale, për zona të prapambetura ekonomike, përmbytje deri te mbështetja për antarësimin në NATO, njohjen ndër të parët të Pavarësisë së Kosovës dhe mbështetjen pa rezerv për statusin kandidat në BE.
Në gjysmën e dytë të vitit 2015 Luksemburgu kryesoi me shumë sukses veprimtarinë e