Negociatat, Basha në Bruksel: Mes vendeve anëtare ka stepje
Kreu i PD: BE e shqetësuar për krimin, zgjidhja është qeveria antimafie "Mbrojtja e Tahirit dhe ikja e oficerëve, shije e hidhur"
Kreu i opozitës, Lulzim Basha, denoncoi dje në Bruksel lidhjet e pushtetit me krimin, ndërsa apeloi për krijimin e një qeverie antimafie, që sipas tij do të shkëpusë lidhjet e krimit me politikën dhe do garantojë zgjedhje të lira. Z. Basha ndodhet në Bruksel, në punimet e Asamblesë Politike të PPE. Ai pati atje takime me kolegë, drejtues të partive simotra dhe përfaqësues të qeverive europiane. Në një deklaratë nga Brukseli, zoti Basha analizoi krimin, korrupsionin dhe përdorimin e parave të drogës në ekonomi dhe politikë, si arsyet përse qeveria e Edi Ramës e ka vendosur Shqipërinë në një pozicion të pafavorshëm për hapjen e negociatave të anëtarësimit. Kreu i PD paraqiti qeverinë antimafie, si zgjidhjen politike të opozitës, në kushtet kur ndërgjegjësimi i shumicës së vendeve anëtare për problemet e Shqipërisë për shkak të lidhjeve të qeverisë me krimin mund të çojë në situatën e papëlqyeshme për opozitën, atë të pengimit të rrugës europiane të vendit. "Për fat të keq, ajo që vërej është një stepje e madhe e përfaqësuesve të vendeve anëtare të Bashkimit Europian sa i përket Shqipërisë. Në veçanti, shqetësime të mëdha në drejtim të shtetit ligjor, luftës kundër krimit, luftës kundër korrupsionit. Padyshim që episodi "Tahiri" dhe mbrojtja e tij politike me imunitet parlamentar, si dhe largimi në drejtim të paditur i 3 oficerëve madhorë, pasi ata u vunë nën akuzë dhe u kërkua arrestimi në lidhje me trafikun e drogës, kanë lënë një shije shumë të hidhur", deklaroi z. Basha. Sipas tij, avantazhi i të qënit në këtë takim është se vendet anëtare po ngrenë probleme që opozita ka 4 vjet që i denoncon, kriminalizimin e politikës, mbulimin e Sh-
qipërisë me drogë, qindra milionë euro të drogës, që po qarkullohen nga grupe kriminale edhe përmes kanaleve të ekonomisë informale, duke i dhënë krimit
fuqi ekonomike dhe politike, siç u faktua në zgjedhjet e 25 qershorit. "PD i ka paralajmëruar këto, i ka bërë të ditura dhe ka kërkuar ndihmën e Bashkimit Europian, insti- "Qeveria antimafie do të shkëpusë lidhjet e krimit me politikën, do të përgatisë një reformë të vërtetë zgjedhore dhe do ta çojë vendin me sukses drejt një qeverie legjitime përmes zgjedhjeve të lira", - tha z. Basha.
tucioneve të BE dhe vendeve anëtare. Disavantazhi është që shumica dërrmuese e vendeve anëtare janë bërë shumë të ndërgjegjshme për këto probleme. Kjo mund të pengojë
rrugën europiane të Shqipërisë duke ndëshkuar qytetarët shqiptarë, shumica dërrmuese e të cilëve nuk kanë lidhje as me kultivimin e drogës, as me trafikun e drogës, por janë ata që ndjejnë efektet e para negative, siç janë shtrëngesat e lëvizjes së lirë apo edhe kërcënimet në disa raste për kthimin e vizave për shqiptarët, siç është edhe skepticizmi i madh me të cilin po përballen vendet anëtare, sa i përket procesit të hapjes së negociatave me Shqipërinë", u shpreh z. Basha. Sipas tij, kjo është një gjendje jashtëzakonisht e papëlqyeshme për opozitën. "Natyrisht, interesi ynë është interesi kombëtar, interesi i qytetarëve shqiptarë, të
cilët nuk e meritojnë të ndëshkohen, të njollosen, të damkosen për diçka që në fakt ka qenë një projekt i një grupi të ngushtë pushtetarësh dhe kriminelësh, me qëllim pushtetin dhe pasurimin e tyre. Zgjidhjet politike që opozita ka parashtruar janë në këndvështrimin tonë, edhe rruga që do të bënte të mundur avancimin e interesave europiane të Shqipërisë. Kjo është zgjidhja e një qeverie antimafie, që do të shkëpusë lidhjet e krimit me politikën, që do të përgatisë një reformë të vërtetë zgjedhore dhe do ta çojë vendin me sukses drejt një qeverie legjitime përmes zgjedhjeve të lira e të ndershme", theksoi kreu i PD- së.