Tusk pret Ramën në Bruksel: Të mbahet ritmi i reformave
Kryeministri takon Presidentin e KE- së: Shqipëria shembull në krejt rajonin Zyrtari i BE- së: Në Këshill keni vetëm miq, ju mbështesim
Kryeministri Edi Rama u takua dje, pasdite me kreun e Këshillit të Bashkimit Europian Donald Tusk. Me anë të një postimi në "Tuitter", Donald Tusk e vlerësoi takimin si mjaft pozitiv, ndërsa kërkoi të mbahet ritmi i reformave. "Një takim i mirë me kryeministrin Edi Rama përpara Samitit të Ballkanit në 17 maj në Sofje. Nevojë që reformat për shtetin ligjor të vijojnë me të njëjtin ritëm për të avancuar në rrugën drejt BE",- thuhet në mesazhin e Tusk, në "Tuitter". Ndërkohë pas takimit që u zhvillua në kuadër të samitit që po mbahet në Bruksel, ishte vetë Tusk ai që ka publikuar një foto me Ramën. Ndërsa kryeministri Edi Rama gjatë takimit falënderoi presidentin Tusk që, siç u shpreh ai është një nga mbështetësit më të mëdhenj të përafrimit të mëtejshëm të Ballkanit, por edhe të Shqipërisë me BE. "Ju faleminderit shumë për vizitën tuaj dhe pikësëpari, ju faleminderit për mirëkuptimin, i dashur Kryeministër, i dashur Edi. Jam vërtet i lumtur t'ju shoh këtu, pasi siç e dini jemi në të njëjtën anë. Për mua është vërtet e rëndësishme që të jem sa më i hapur, i sinqertë dhe pozitiv të jetë e mundur me ju dhe me të gjithë miqtë e mi shqiptarë. Kjo nënkupton, gjithashtu, se bashkëpunimi ynë, bisedimet tona sot dhe në të ardhmen ishin mbi bashkëpunimin e ardhshëm dhe të ardhmen evropiane",u shpreh Tusk pas takimit me kryeministrin shqiptar. "Siç e dini, keni vetëm miq këtu në Bruksel. Të jeni i bindur që këtu në Këshillin Evropian mund të jeni të sigurt për mbështetjen dhe përpjekjet tona.
Dua të rikonfirmoj se ne e vlerësojmë vërtet procesin tuaj të thellë dhe mjaft të guximshëm të reformave. Ju jeni një nga shembujt më të mirë në rajon të kësaj ambicieje evropiane dhe të kësaj ëndrre evropiane",- theksoi Presidenti i Këshillit të BEsë, Donald Tusk. Nga ana e tij, kryeministri Edi Rama u shpreh: "Ishte kënaqësi që u takuam me Presidentin e Këshillit Europian. E falën- derova që na dha mundësinë e këtij takimi me gjithë të gjendurit në një ditë shumë intensive takimesh me kryeministren britanike. Po ashtu, dua t'i shpreh mirënjohjen që është një ndër mbështetësit më të mëdhenj të përafrimit të mëtejshëm të Ballkanit, por edhe të Shqipërisë me Bashkimin Europian", - tha Rama. Më herët, kryeministri shqiptar shkroi në rrjetin social: "Në Bruksel me Presidentin e Këshillit Europian, Donald Tusk, i cili vlerësoi ecurinë e reformave kurajoze në Shqipëri, si një shembull pozitiv për krejt rajonin". Në ditën e dytë në Bruksel axhenda e kryeministrit Edi Rama parashikon gjatë pjesës së parë të ditës disa momente të rëndësishme. Në orën 09: 00, kryeministri do të marrë pjesë në "Dua të rikonfirmoj se ne e vlerësojmë vërtet procesin tuaj të thellë dhe mjaft të guximshëm të reformave. Ju jeni një nga shembujt më të mirë në rajon të kësaj ambicieje evropiane dhe të kësaj ëndrre evropiane",theksoi Presidenti i Këshillit të BEsë, Donald Tusk.
Samitin Western Balkans at a Crossroads, organizuar nga Friends of Europe. Në sesionin "Peace, Democracy and Reconciliation" Kryeministri Rama është i ftuar të mbajë një fjalë. Në orën 11: 15 kreu i qeverisë pritet të zhvillojë një takim me Federica Mogherini, përfaqësuese e lartë e Bashkimit Europian për Politikën e Jashtme dhe Sigurinë.