Kallëzimi i banorëve për përmbytjen, katër prokurori nisin verifikimin
Përmirësohet situata në jug, bora krijon probleme Shkodër, Pukë e Kukës Në "sitë", dëmet e shkaktuara në banesa dhe biznese në rrethet Tiranë, Krujë, Vlorë dhe Fier
Ndërprerja e reshjeve ka çuar në përmirë simin e situatës në jug të vendit, ku dëmet e shkaktuara nga moti i keq janë shumë të mëdha. Tashmë vëmendja është përqendruar në veri të vendit, pasi dëbora ka bllokuar disa zona të thella. E ndërsa po punohet intensivisht për evidentimin e dëmeve të shkaktuara nga stuhia e shirave të ditëve të fundit, mësohet se 4 prokuroritë e rretheve Tiranë, Krujë, Fier e Vlorë kanë nisur verifikimin e denoncimeve të bëra nga qytetarët, të cilëve iu dëmtuan bizneset dhe pronat. Sipas "abcnews. al", dhjetëra banorë kanë bërë kallëzim për dëmtimin e banesave dhe bizneseve gjatë përmbytjeve të së enjtes dhe së premtes. Pas kallëzimit, prokuroritë e rretheve në fjalë kanë nisur verifikimin në zonat e pushtuara nga uji, ku në sitë do të kalojnë të firmat kontraktuale për mirëmbajtjen e akseve rrugore, si ato kombëtare edhe rurale. Ndërkaq, prokuroria e Krujës ka nisur hetimet për shembjen e urës që lidhte Qafshtamën me këtë qytet. Kjo, për faktin se ura është ndërtuar pak kohë më para dhe normalisht duhet të kishte përballuar përmbytjen.
HETIMET
Shumë biznese VIP u përmbytën përgjatë autostradës Tiranë- Durrës. Prokuroria e Tiranës është ende në fazën fillestare të verifikimit të dëmeve të shkaktuara në autostradë. Mësohet se aktualisht po mblidhet dokumentacioni përkatës e më pas organi i akuzës do të shprehet nëse ka apo jo shkelje ligjore. Gjithashtu, prokuroria bën me dije se nisja e verifikimit për kompanitë përgjegjëse, të cilat kishin si detyrë mbajtjen hapur të kanaleve kulluese e po kështu të asistonin me mjetet e tyre gjatë situatës së reshjeve, do të shkrihet edhe më tej. Ku do të verifikohet edhe mënyra se si i kanë fituar tenderat publikë dhe a kanë staf e mjete logjistike përkatëse për të përballuar situata emergjente. Ndërko- Reshjet e dendura të shiut të ditëve të fundit kanë sjellë probleme në disa zona të vendit. Si pasojë e motit të keq dhe reshjeve, shkolla në Kalanë e Dodës, në Dibër ka pësuar plasaritje dhe për pasojë është pezulluar mësimi për 50 nxënës të kësaj shkolle. Sipas shefit të Emergjencave Civile në Dibër, shkak i plasaritjeve të shkollës ka qenë rrëshqitja e tokës nga prurjet e shumta të përrenjve.