Xhaçka: Përmbytjet, përballuam situatën më mirë se në vitin 2015
Ministrja e Mbrojtjes: Nisim fazën e dytë, pastrimin e territorit
Ministrja
e Mbrojtjes, Olta Xhaçka ishte edhe dje në Darzezë të Fierit, atje ku u ndërtua në kohë rekord ura e dëmtuar nga përmbytjet e ditëve të fundit. Në një komunikim për mediat, Xhaçka pohoi se tashmë strukturat duhet të jenë të mobilizuara, pasi fillon një fazë e re, që është pastrimi i terrorit. "Nga menaxhimi i mirë dhe puna e FA ka qenë garancia për të menaxhuar këtë situatë nga përmbytjet. Këto janë ditë të vështira, të gjithë duhet të jemi të mobilizuar. Mirënjohje për punën e FA në krah të NATO- s dhe të gjitha operacionet e tjera. Bravo ju qoftë! Këtu kanë qenë 500 efektivë, ndërtuam në kohë rekord urë. E përballuam shumë më mirë se në 2015- ën. Bashkëpunimi me institucione lokale ka qenë shumë i mirë, pasi falë këtij bashkëpunimi është bërë e mundur që kemi këtë rezultat. Nuk do të lëmë asnjë pa e ndihmuar, tani fillon faza e dytë, ajo e pastrimit të territorit dhe ndihmën për çdokënd", tha Xhaçka. Kjo deklaratë përkon me 105- vjetorin e krijim- it të Forcave të Armatosura. Duke kujtuar 105- vjetorin e krijimit të FA, Xhaçka tha se pjesëtarët e ushtrisë që duhet të ishin duke festuar apo kujtuar këtë ditë të rëndësishme, sot janë në misione nëpër bote, ose janë pranë qytetarëve, të cilët janë në nevojë për shkak të përmbytjeve. "Sot ( dje) duhet të ishte një ditë kujtimi dhe pse jo festive për Forcat e Armatosura. Është 105vjetori i krijimit të kësaj ushtrie, por për shkak të përmbytjeve dhe reshjeve apo misioneve të shumta ku është angazhuar FA, pjesëtarët e FA nuk janë duke festuar, por disa prej tyre janë në Afganistan, disa në Letoni, Mali etj. Por, ka edhe nga ata që sot janë këtu e që për net me radhë, duke ndenjur pa gjumë, u janë gjendur qytetarëve shqiptarë në momentet e vështira të përmbytjeve", tha Xhaçka.