Përmbytjet, kryeministri: Siguroni banesat e bizneset
Komiteti i Koordinimit të Emergjencave Civile: Llogari bankare për të ndihmuar të dëmtuarit "Do të marrim nismë ligjore, nuk mbulohen të gjitha nga buxheti"
Kryeministri Edi Rama deklaroi se du het përcaktuar me ligj sigurimi i banesave dhe bizneseve, pasi në raste përmbytjesh nuk mund të financohen të gjitha detyrimet nga buxheti i shtetit. Në mbledhjen e djeshme të Komitetit të Koordinimit të Emergjencave Civile dhe Krizave, që u drejtua prej tij, para nisjes për në Bruksel, Rama u shpreh: "Është përparësi marrja e nismës ligjore për sigurimin e banesave dhe të bizneseve nga përmbytjet. Jemi ende i vetmi vend që nuk ka një masë të tillë me ligj dhe ku pastaj, njerëzit e prekur mbeten në mëshirën e fatit dhe në pritje vetëm nga buxheti i shtetit, që nuk mund të përballojë gjithçka dhe gjithmonë, edhe pse këtë herë, ne do t'i përballojmë si edhe herën e kaluar, të gjitha detyrimet që burojnë nga kjo krizë e rëndë. Por - shtoi kreu i qeverisë - është shumë e rëndësishme që të gjithë qytetarët, të gjithë sipërmarrësit të stabilizohen dhe të kuptojnë se duhet si në çdo vend normal të marrin masa, të sigurohen nga fatkeqësitë natyrore, në mënyrë që dëmet e tyre të kompensohen plotësisht dhe në kohë reale në bazë të
këtij mekanizmi". "Natyrisht, përsa na takon, ne do të bëjmë maksimumin, siç kemi bërë edhe herën e shkuar, ku nuk kemi lënë askënd pa kompensuar deri në fund për dëmet që ka pasur", tha më tej Rama. Kryeministri uroi dje, 105vjetorin e Forcave të Armatosura, duke vlerësuar edhe punën që ata bënë, gjatë ditëve të përmbytjeve. "Tani është momenti për të çuar
përpara fazën e dytë, atë të kapërcimit të pasojave, në radhë të parë për familjet e prekura dhe sigurisht, për ato pjesë të infrastrukturës që janë jetike për lëvizshmërinë dhe për garantimin e vazhdimit të jetës normale në komunitetet e zonave të përmbytura", vuri në dukje Rama. "Do të na duhet më tej që të ecim me zbatimin e planit që ka nisur prej disa muajsh nga ministri i Bujqësisë, "Edi Rama duhet ta lërë propagandën e t'u zgjidhë hallet mijëra familjeve, që janë prej tri ditësh pa ujë, pa ushqime e drita! Edi Rama duhet t'i dëmshpërblejë për humbjet e pallogaritshme që kanë pësuar, pasi dimri është i gjatë dhe i papërballueshëm në këto kushte", - u shpreh dje kryetari i PD- së, Basha.
për të ndërhyrë në të gjitha pikat e dobëta të sistemit të mbrojtjes nga uji, në bashkëpunim me ministrin e Infrastrukturës. Fakti i shembjes së një numri të konsiderueshme urash flet qartë për potencialin katastrofik që kishte kjo situatë, nëse shumë investime mbrojtëse nuk do të ishin bërë në këto dy vjet. Nga ana tjetër, e kemi parë qartësisht se në çdo zonë ka ende një sërë pikash të dobëta, ku duhet ndërhyrë me përparësi", bëri të ditur kryeministri.
DEKLARATA
Komiteti arriti në përfundimin se faza e parë është përmbyllur me sukses të plotë dhe se qëllimi i vënë për të shpëtuar jetën e qytetarëve të rrezikuar, u arrit më së miri falë an-
gazhimit, përkushtimit, sakrificës të të gjithë njerëzve të përfshirë në operacione dhe organizmit shumë të mirë të tyre. Pas kalimit të fazës së parë, tashmë është kaluar në fazën e dytë, e cila ka për qëllim kapërcimin e gjendjes së krijuar, lehtësimin e pasojave dhe rikthimin e normalitetit në jetën dhe veprimtarinë e qytetarëve apo subjekteve të prekur, bëhet me dije pas mbledhjes së komitetit. Komiteti vlerëson solidaritetin e shfaqur nga qytetarët dhe bizneset dhe bën thirrje që në ditët në vijim kjo frymë të thellohet edhe më tej. "Për të lehtësuar procesin e kontributeve financiare në dobi të të prekurve nga përmbytjet, janë vënë në dispozicion llogari rrjedhëse bankare në disa banka të vendit. Të gjithë ata që kanë mundësi për të ndihmuar në lehtësimin e problemeve të krijuara për qytetarët janë të inkurajuar që të kontribuojnë, qoftë edhe në mënyrë modeste, për këtë qëllim. Edhe një ndihmë sado e vogël ka një efekt shumë të madh solidar, për të cilin kanë nevojë të gjithë personat e prekur. Kontributet që do të mblidhen në këtë rrugë do të shkojnë vetëm në përfitim të individëve të prekur", thuhet në deklaratën e Emergjencave Civile. "Autoritetet shtetërore do të vijojnë me intensitet të pandryshueshëm përpjekjet për të dhënë ndihmën e nevojshme, për të vlerësuar dëmet si dhe për të filluar sa më parë procesin e zhdëmtimeve dhe kompensimeve. Kryeministri i vendit ka dhënë detyra për të rritur edhe më tej shpejtësinë dhe thellësinë e zbatimit të programit të investimeve për mbrojtjen e infrastrukturës kritike të vendit si argjinatura, diga, kanale kulluese, ura, rrugë etj., me qëllim që vendi të përgatitet plotësisht për të përballuar fatkeqësi natyrore, denduria e të cilave duket se është në rritje për shkaqe që lidhen me edhe me ndryshimet klimaterike", thuhet në njoftimin e mbledhjes së komitetit të emergjencave.