Zhdukja e tri dosjeve hetimore në Elbasan, informohet ambasada e SHBA

"Materialet u janë deleguar për hetim prokurorëve të tjerë" Prokuroria: Fashikujt janë marrë me procesverbal

Ambasada e SHBA in formohet për zh dukjen e tri dosjeve të rëndësishme në prokurorinë e Elbasanit. Më herët vetë prokurorja Armanda Xhaferri ka bërë denoncimin në polici, pasi ka konstatuar së në zyrën e saj kishin humbur 3 fashikuj të procedimeve penale. Bëhet fjalë për dy dosje për pastrim parash dhe një për abuzim me fondet e një rruge, materiale të mbërritura nga Njësia Task Forcës për hetimin e korrupsionit. Burime nga policia bën me dije se konstatimi i mungesës së fashikujve në zyrën e saj është bërë nga vet prokurorja Xhaferri, disa ditë më parë. Një grup hetimor i ngritur enkas për zbardhjen e kësaj ngjarje të rëndë, ka kqyrur zyrën e prokurores Xhaferri, por nuk ka konstatuar thyerje nga jashtë. Ditën e djeshme kallëzimi i prokurores së Elbasanit Armanda Xhaferri i është vënë në dispozicion edhe ambasadës së SHBA- së në Tiranë. Kjo çështje më shumë se sa një ngjarje kriminale, është një konflikt mes drejtuesit të prokurorisë dhe prokurores që ka denoncuar zhdukjen, deklaron "Top Channel". Burime nga prokuroria e Elbasanit bëjnë me dije se dosjet që Amanda Xhaferri i ka denoncuar si të zhdukura nga zyra e saj, në fakt, janë marrë me procesverbal dhe u janë deleguar për hetim prokurorëve të tjerë të Njësisë Task Forcë Kundër Krimit Ekonomik dhe Korrupsionit. Më konkretisht, mësohet së drejtuesi i prokurorisë së Elbasanit, Dritan Gina i ka hequr prokurores Amanda Xhaferri disa dosje me argumentimin së për një kohë të gjatë nuk kishte kryer veprime hetimore dhe këto dosje ia ka deleguar për hetime prokurorëve të tjerë. Në zbatim të këtij vendimi të drejtuesit të prokurorisë, janë tërhequr edhe fizikisht dosjet nga zyra e prokurores Xhafërri për në zyrat e prokurorëve që kanë marrë në dorëzim çështjet, por ky fakt nuk është pranuar nga prokurorja Amanda Xhaferri.