Bregu prish festën vlonjate, mbyllet 0- 0 në Gjirokastër
Duro pranon barazimin, ndërsa deklaron se Bushiç luajti, ndonëse nuk është në 100 të formës Trajneri Hasan Lika pret përforcime në janar
Një vlonjat i prish fes tën Flamurtarit. De jvi Bregu, dëshira më e madhe e Shpëtim Duros, u mohoi tri pikët kuqezinjve në transfertën gjirokastrite. Në minutën e 80- të ishte pikërisht fantazisti shtatshkurtër, i cili iu vodh mjaft mirë mbulimit të mbrojtjes vlonjate, duke barazuar shifrat në 11. Një barazim që nuk i shërben asnjë skuadre, por nga mënyra se si erdhi, nuk është për t'u hedhur poshtë, të paktën nga gjirokastritët. Vlonjatët kaluan të parët në avantazh me një aksion model të finalizuar nga Xhufo në minutën e 25- të. Të dyja skuadrat zhvilluan një futboll të hapur, krijuan disa raste për shënim, por pa mundur të dalin me pikë të plota. Luftëtari vijon të lundrojë në ujëra të turbullta, teksa pozicionohet në vendin e parafundit në kuotën e 10- të pikëve, ndërsa Flamurtari në vendin e 4- të me 22 pikë.
LIKA
Trajneri Hasan Lika theksoi pas barazimit 1- 1 me Flamurtarin se skuadra gabon në mënyrën si mbrohet dhe në pasimin final, por ka falënderuar të tijtë për sakrificën, veçanërisht kapitenin Beqiri, Rrocën dhe Aleksin, që luajtën të dëmtuar, ndërsa deklaroi se në janar, klubi gjirokastrit do të lëvizë patjetër në merkato. "Kemi probleme në aspektin mbrojtës si skuadër dhe si individë. Meritojmë nota pozitive, sepse nuk është e lehtë për të rikuperuar, kur e nis në disavantazh. Dua të falënderoj futbollistët që dhanë maksimumin, pa përjashtim. Veçanërisht Beqirin, i cili pësoi një dëmtim në nxehmje, por sakrifikoi. Nuk ishte në 100%, por bëri sa mundi. Falënderoj edhe Rrocën dhe Aleksin, që kanë pasur probleme gjatë javës në stërvitje. Një farë frike apo droje ka në skuadër, është normale për çdo ekip në këto pozita. Krijojmë shumë, por na mungon konkludimi. Sot, më shumë se çdo herë tjetër, pasimi i fundit kishte probleme. Na duhet të përforcohemi, pasi me këtë kontingjent kemi probleme në këtë kampionat të gjatë. Besoj se do të përforcohemi, kështu kemi biseduar me presidentin".
Trajneri i Flamurtarit, Shpëtim Duro nuk e bën dramë barazimin ndaj Luftëtarit. Strategu i njohur ka vlerësuar kundërshtarët, teksa ka evidentuar se lojtarët e tij duhet ta kishin mbyllur ndeshjen gjatë pjesës së dytë. "Flamurtari nuk ruan avantazhin? Me Laçin, arbitri na mohoi dy penallti. Me Kukësin dhe Skënderbeun barazimi ishte normal, ndërkohë që sot barazimi mund të cilësohet normal, sepse ata kanë 3- 4 lojtarë në fazën sulmuese. Më vjen keq që nuk fituam, por në këtë situatë që ndodhet Luftëtari, rezultati është i pranishëm. Në pjesën e dytë administruam shumë mirë lojën, teksa kishim dhe shanse për të shënuar. Bushiç nuk ka qenë në 100 për qind, rrezikova shumë me të. Kur shpërdoron raste, edhe mund ta pësosh. Ndeshja e ardhshme në Vlorë? Ende nuk kam folur me Idrizin, por do të shohim gjatë javës se si do të vendosim sa i përket tifozerisë", u shpreh Duro për "SuperSport".