Avramopulos: Të punojmë për të hapur dyert e Shqipërisë drejt BE
Ministri i Brendshëm në Bruksel, takon Komisionerin për Migrimin
Ministri
i Brendshëm Fatmir Xhafaj takoi dje, në Bruksel Komisionerin për Migrimin, Punët e Brendshme dhe Shtetësinë, Dimitris Avramolupos, i cili garantoi mbështetjen për procesin e integrimit në BE. Pas takimit, Komisioneri Avramopoulos tha se "Shqipëria është një faktor i rëndësishëm stabiliteti për mbarë rajonin. Një fqinj i mirë i vendit nga i cili unë vij dhe, në të ardhmen, anëtar i familjes europiane". "Ndodhemi sot këtu për të punuar së bashku, në mënyrë që të kapërcejmë të gjitha çështjet dhe kërkesat që kërkohen për t'i hapur Shqipërisë dyert drejt Bashkimit Europian. Dhe ne jemi shumë të angazhuar të rrisim dhe thellojmë bashkëpunimin tonë, në mënyrë që të arrijmë këtë moment",- tha Avramopulos. Nga ana e tij, ministri i brendshëm Fat-
"Ne jemi shumë të angazhuar të rrisim dhe thellojmë bashkëpunimin tonë, në mënyrë që të arrijmë këtë moment",tha Avramopulos.
mir Xhafaj tha: "Unë shpresoj dhe besoj që nën kujdesin e tij, me mbështetjen e tij, ne do të bëjmë hapa të rëndësishëm që kanë të bëjnë me çështjet e luftës ndaj krimit të organizuar, trajtimit të çështjeve të emigracionit të paligjshëm dhe një sërë çështjesh të tjera që na preokupojnë në rrugën tonë në integrimin në Bashkimin Europian". Xhafaj e ftoi Komisionerin të vizitojë Shqipërinë për të parë përparimin e bërë, ftesë të cilën Komisioneri Avramopulos e pranoi.