Përmbytjet, Urgjenca Kombëtare, vizita mjekësore në shtëpitë e të prekurve
Bluzat e bardha të FA, kontroll në qarkun e Fierit
Pas
përmbytjeve masive që prekën disa zona në mbarë vendin, ekipet e përcaktuara të mjekëve të Urgjencës Kombëtare Mjekësore kryen dje disa vizita për të mbajtur nën monitorim situatën shëndetësore të banorëve. Mjekët kryen ekzaminimet në disa qendra evakuimi në Fier e Vlorë, por edhe në shtëpitë e vetë familjeve të prekura nga përmbytjet. Këto vizita shtëpi më shtëpi u realizuan edhe në fshatin Bashkim, afër Vjosës, një zonë e prekur nga përmbytjet në Levan, ku iu ofrua trajtim shëndetësor një gruaje të
VIZITAT MJEKËSORE
Mjekët kryen ekzaminimet në disa qendra evakuimi në Fier e Vlorë, por edhe në shtëpitë e vetë familjeve të prekura nga përmbytjet. Këto vizita shtëpi më shtëpi u realizuan edhe në fshatin Bashkim, afër Vjosës, ku iu ofrua trajtim shëndetësor një gruaje të posa operuar, e cila nuk kishte mundësi të shkonte për mjekim në spital.
posa operuar, e cila nuk kishte mundësi të shkonte për mjekim në spital. Më tej, në shkollën "Rakip Kryeziu" në Fier, në të cilën ka disa familje të evakuuara nga Shën
Pjetri, në Njësinë Administrative Topojë, mjekët e Urgjencës Kombëtare kryen vizita mjekësore të të gjithë të evakuuarve dhe dërguan në spital një prej banorëve që shfaqte probleme kardiake. Vizita nga mjekët e Urgjencës Kombëtare u kryen derë më derë edhe në Nosovelë, në fshatin Fitore, i cili rezulton si një nga më të prekurit nga përmbytjet e ditëve të fundit. Ndërkaq, Ministria e Shëndetësisë dhe Mbrojtjes Sociale ende po vijon monitorimin e situatës shëndetësore të banorëve të prekur nga përmbytjet me synim evitimin e një rritje të mundshme të sëmundshmërisë. Në ndihmë të banorëve të prekur nga përmbyt- ja në qarkun e Fierit kanë kontribuar edhe 13 mjekë dhe infermierë të Forcave të Armatosura. Këta të fundit kanë qenë pranë familjeve të fshatit Ferras ku kanë kryer vizita specialistike me mjekë pneumolog, kardiolog, radiolog me ekografi, e mjekë të përgjithshëm. Përgjithësisht, vizitat po realizohen në qendrën shëndetësore të kësaj njësie, me përjashtim të rasteve kur disa fëmijë apo të moshuar që nuk kanë mundësi të lëvizin, marrin ndihmën mjekësore në banesë. Medikamentet për të sëmurët po shpërndahen falas.