SHBA e BE: Të ikë Llalla, të zgjidhet prokuror i përkohshëm
Kryeprokurorit i mbaroi afati, Lu: Ne nxisim Parlamentin të zbatojë ligjin Vlahutin: Zgjedhja, me shumicë të thjeshtë
Ambasada e SHBA- ve dhe delegacioni i Bashkimit Europian mbështesin procedurën për zëvendësimin e Prokurorit të Përgjithshëm. Njëzëri ata i kërkuan Kuvendit të zbatojë ligjin dhe se mbështesnin opinionin ligjor të OPDAT dhe EURALIUS. Ambasadori amerikan, Donald Lu përmes një deklarate për mediat kërkoi dje largimin e kryeprokurorit Adriatik Llalla, duke i bërë thirrje Kuvendit të zbatojë ligjin për zgjedhjen e kryeprokurorit të ri. Kreu i diplomacisë amerikane bën me dije se mbështet opinionin ligjor që OPDAT dhe EURALIUS i kanë dhënë Parlamentit, në të cilin thuhej se, "Kushtetuta dhe ligji për Prokurorinë janë të qarta. Ambasada e Shteteve të Bashkuara mbështet opinionin ligjor, që OPDAT dhe EURALIUS i kanë dhënë Parlamentit. Ne nxisim Parlamentin të zbatojë ligjin". Pas ambasadës së SHBA- ve në Tiranë, reagoi edhe delegacioni i Bashkimit Europian për çështjen e zgjedhjes së kryeprokurorit të ri të Shqipërisë. Zyra e BE në Tiranë kërkon nga Kuvendi që të nisë procedurat për zgjedhjen e prokurorit të ri, të përkohshëm në përfundim të mandatit të Llallës. "Ligji për organizimin dhe funksionimin e prokurorisë parashikon dispozita të qarta transitore, siç konfirmohet nga EURALIUS dhe OPDAT në opinionin e tyre në Kuvend. Ne e ftojmë Kuvendin të procedojë në respekt të plotë të ligjit", shprehet BE. Sipas konkluzioneve të BE: "Në situatën që paraqitet këtu, duket se dispozitat kalimtare përcaktojnë të drejtën dhe detyrimin e Kuvendit të zgjedhë një prokuror të lartë, i cili i plotëson kërkesat e neneve 22 deri 27 të ligjit, si prokuror i përkohs- hëm me shumicë të thjeshtë, në prani të më shumë se gjysmës së të gjithë anëtarëve të Kuvendit". BE përmend Kuadrin ligjor për periudhën kalimtare: Neni 179, paragrafi 13 i Kushtetutës thotë:
"Deri në zgjedhjet par- lamentare, të cilat do të mbahen pas hyrjes në fuqi të këtij ligji, por jo më vonë se 1 shtatori 2017, zgjedhja e Inspektorit të Lartë të Drejtësisë dhe Prokurorit të Përgjithshëm do të bëhen nga 2/ 3 e anëtarëve të Kuvendit. Zgjedhjet e tjera do të "Dispozitat kalimtare përcaktojnë të drejtën dhe detyrimin e Kuvendit të zgjedhë një prokuror të lartë, i cili i plotëson kërkesat e neneve 22 deri 27 të ligjit, si prokuror i përkohshëm me shumicë të thjeshtë, në prani të më shumë se gjysmës së të gjithë anëtarëve të Kuvendit", thuhet në sqarimin e ambasadës së SHBA.
bëhen nga 3/ 5 e anëtarëve të Kuvendit". Ngrihet pyetja nëse sigurimi i zgjedhjeve të tjera ka të bëjë me zgjedhjen e kandidatëve të tjerë për organet kushtetuese në periudhën deri më 1 shtator 2017, ose zgjedhjen e kandidatëve të tjerë për organet kushtetuese në çfarëdo periudhe kohore. Zyra e BE- së në Tiranë sqaron më tej: "Kushtetuta parasheh disa organe kushtetuese që do të zgjidhen nga Kuvendi, kështu që për shembull: Neni 125 paragrafi 2 përcakton një kuorum prej 3/ 5 për gjyqtarët e Gjykatës Kushtetuese, të cilët zgjidhen nga Kuvendi. Neni 147, paragrafi 8 përcakton kuorumin prej 2/ 3 për miratimin e listës për anëtarët për pozicion të KLG. Neni 147/ d, paragrafi 3 përcakton një kuorum prej 3/ 5 për zgjedhjen e Inspektorit të Lartë të Drejtësisë ( HJI) nga lista e themeluar nga Këshilli i Emërimit të Drejtësisë. Neni 148/ a përcakton kuorumin prej 3/ 5 për zgjedhjen e Prokurorit të Përgjithshëm me propozim të Këshillit të Lartë Prokurorial. Neni 149 paragrafi 8 përcakton kuorumin prej 2/ 3 për miratimin e listës për anëtarët të Këshillit të Lartë Prokurorial".