Nishani: Kryeprokurori i përkohshëm zgjidhet me 94 vota

"Po shkelet ligjit 179/ 3 i Kushtetutës"

Ish-

Presidenti i Republikës, Bujar Nis hani deklaroi dje se zgjedhja e prokurorit të përkohshëm pas mbarimit të mandatit të prokurorit aktual ditën e djeshme mund të bëhet vetëm më 94 vota në Parlament. Nishani shprehet se, edhe pse ka një artificë të njëanshme politikisht në ligjin për Prokurorinë, është Kushtetuta ajo që prevalon. Sipas tij, bazuar në ligjin 179/ 3 të Kushtetutës, "nëse maxhoranca do t'i qëndrojë nocionit të prokurorit të përkohshëm, referenca kushtetuese për këtë moment procedural kërkon dy të tretat e votave, pra 94. Nëse do referohet zgjedhja e tij me 84 vota, duhet propozimi nga KLP. "Kushtetuta, neni 179/ 13 citon ' Deri në zgjedhjet parlamentare, që do mbahen pas hyrjes në fuqi të këtij ligji, por jo më vonë se data 1 shtator 2017, zgjedhja e Inspektorit të Lartë të Drejtësisë dhe e Prokurorit të Përgjithshëm do bëhet me dy të tretat e anëtarëve të Kuv- endit ( 94 vota). Zgjedhjet e tjera do të bëhen me tri të pestat e anëtarëve të Kuvendit ( 84 vota)'. Kjo është Kushtetuta, e zeza mbi të bardhë, që nuk e lëviz as topi, as kryeministri, as parlamenti dhe asnjë përfaqësues ndërkombëtar. Është e vërtetë që ka një artific ( i njëanshëm politikisht) në ligjin për Prokurorinë. Por ka një hierarki juridike në çdo vend demokratik. Kushtetuta prevalon mbi çdo ligj. Kushtetuta është ligji themeltar, që qëndron i pari në hierarkinë e tërësisë së legjislacionit të një shteti ligjor", deklaroi z. Nishani. Sipas Nishanit, këtë përcaktim të Kushtetutës nuk mund ta lëvizë "as topi, as kryeministri, as Parlamenti dhe asnjë përfaqësues ndërkombëtar". "Kryeministri nuk ka asnjë tagër dhe asnjë hapësirë apo mundësi që të propozojë procedurë", tha ai. "Ndaj, oferta e tij ndaj opozitës është thjesht një kurth për betejë të imazhit publik".