Ruçi në SHBA: Do të kemi sistem të besueshëm drejtësie
Krerët e shtetit thyejnë protokollin, ikin të gjithë jashtë vendit
SHKELJA
Protokolli i shtetit është thyer nga krerët e vendit, të cilët njëherësh janë jashtë shtetit duke e lënë vendin nën drejtimin e zëvendëskryeministres Mesi. Kryeministri Edi Rama është në vizitë zyrtare në Bullgari, Presidenti Meta në Francë, ndërsa kryetari Kuvendit, Ruçi në SHBA.
tenger. Pittinger përgëzoi Ruçin për detyrën e Kryetarit të Kuvendit të Shqipërisë dhe shprehu gatishmërinë për intensifikimin e mëtejshëm të marrëdhënieve ndërmjet dy vendeve. "Të
dyja vendet tona ndajnë të njëjtat angazhime, të njëjtat vlera dhe pikëpamje, si dhe të njëjtat shqetësime. Shtetet e Bashkuara të Amerikës duan që Shqipëria të jetë një vend i fortë, i sigurt, që gëzon paqe e begati. SHBA- të kanë një lidhje të fuqishme me Shqipërinë dhe ne ju jemi mirënjohës dhe ju falënderojmë për miqësinë që kemi, e cila do të forcohet në vite", tha Pittenger. Nga ana e tij, Ruçi shprehu mirënjohje për mbështetjen e SHBA- ve, duke thënë se falë tyre, Shqipëria është sot një vend anëtar aktiv i NATO dhe partner i rëndësishëm në luftën kundër terrorizmit. "Vizioni për një Shqipëri të fortë dhe të besueshme mbështetet mbi partneritetin strategjik me Shtetet e Bashkuara të Amerikës. Ne u jemi gjithmonë mirënjohës SHBA- ve. Shqiptarët nuk e harrojmë kurrë mbështetjen e SHBAve për një Kosovë të lirë dhe të pavarur. Shqipëria është sot një vend anëtar aktiv i NATO- s dhe partner i rëndësishëm në luftën kundër terrorizmit falë mbështetjes së SHBA- ve. Reforma në drejtësi u përgatit dhe u miratua me mbështetjen e SHBA- ve. Ne do të kemi një sistem të besueshëm drejtësie. Miratimi i reformës është garanci e domosdoshme për sipërmarrjet e huaja, duke përfshirë edhe ato amerikane, për të investuar në Shqipëri", deklaroi Ruçi.