Hann takon Xhafajn: Periudha në vijim, vendimtare për Shqipërinë

Kukan: Krenar për progresin e Shqipërisë

Gjatë

vizitës në Bruksel, ministri i Brendshëm, Fat mir Xhafaj zhvilloi një takim me komisionerin për Fqinjësinë dhe Negociatat e Zgjerimit, Johannes Hahn. Xhafaj u ndal te lufta antikanabis, duke e vënë theksin tek qëndrueshmëria e rezultateve. "Ministri nënvizoi se janë marrë që tani masat për 2018- ën dhe Shqipëria nuk do të jetë më në listën e vendeve ku kultivohet drogë. Një vend të rëndësishëm në bisedën mes palëve zuri njohja me planin e veprimit, operacioni "Forca e Ligjit", duke u ndaluar në elementë të tij, çfarë përfaqëson dhe si do të zbatohet. Ministri pohoi se janë skanuar grupet kriminale dhe asetet e tyre. Ai veçoi ndihmën e ekspertëve të huaj të atashuar në Task Forcën Speciale. Zoti Xhafaj informoi komisionerin për procesin e vetingut, që do të kryhet në Policinë e Shtetit. "Duke u ndaluar tek masat për frenimin e azilkërkimit të paligjshëm dhe migracionin e parregullt, ministri i Brendshëm shqiptar veçoi bashkëpunimin me Francën, si një shembull pozitiv për minimizimin e fenomenit. Komisioneri për Fqinjësinë dhe Negociatat e Zgjerimit tha se shembulli i bashkëpunimit të palës shqiptare me Francën duhet avancuar edhe me vendet e tjera europiane. "Periudha në vijim është shumë vendimtare për Shqipërinë", u shpreh komisioneri Hahn. Ai sugjeroi njohjen më të thellë të arritjeve të palës shqiptare përmes medias së huaj, për të reduktuar efektet negative të stigmatizimit të padrejtë të vendit. Po dje, eurodeputeti Eduard Kukan ka zhvilluar një takim me ministrin e Brendshëm, Fatmir Xhafaj në Bruksel. Në "Twitter", Kukan deklaroi se me Xhafajn ka diskutuar në lidhje me masat që Shqipëria ka marrë në luftën kundër krimit të organizuar dhe çrrënjosjen e kultivimit të kanabisit. Ai u shpreh krenar për progresin që ka arritur Shqipëria në zbatimin e reformave të rëndësishme.