Arrestohet në lokalin e basteve i kërkuari Besnik Çapja me tre mbiemra
Reagon avokati: S'ka lidhje me fisin Çapja, mbiemri i tij është Bylyku I dënuar me 6.4 vjet burg në Itali për trafik kokaine
Një 40- vjeçar i dënuar për trafik kokaine dhe pjesëmarrje në organizatë kriminale është arrestuar mbrëmjen e së mërkurës nga policia e Elbasanit për llogari të drejtësisë italiane. Bëhet fjalë për Besnik Çapjan, i cili ishte shpallur në kërkim ndërkombëtar nga autoritetet e vendit fqinj më 28 nëntor të këtij viti. Burime zyrtare nga Drejtoria e Policisë së Qarkut të Elbasanit, dje bënë me dije se ai u vu në pranga specialistët e Sektorit për Hetimin e Narkotikëve dhe Trafiqeve të Paligjshme në këtë drejtori, në bashkëpunim me Interpol Tirana dhe FNSH- në. "Kapet dhe ndalohet me qëllim ekstradimi drejt Italisë shtetasi Besnik Çapja, ( alias Besnik Bylyku, Kliton Prifti), lindur dhe banues në Elbasan. Kapja e këtij shtetasi, i cili mbahej nën vëzhgim u bë në një pikë lloto- sporti në rrugën "Rinia", në lagjen "Visarion Xhuvani" Elbasan. Ky shtetas më datë 28.11.2017 ishte shpallur në kërkim ndërkombëtar, nga Interpol Roma, Itali, pasi autoritetet Gjyqësore në Torino, Itali, me vendim nr. SIEP 431/ 2017, datë 01.06.2017 e kanë dënuar me 6 vjet e 4 muaj burgim, për kryerjen e veprës penale të "Pjesëmarrjes në Organizatë kriminale, me qëllim trafikimin e lëndëve narkotike". Gjatë periudhës 01.06.2011 deri në 16.11.2011, në Torino, Santena, ky shtetas ka qenë në cilësinë e anëtarit të organizatës kriminale me qëllim trafikimin e sasive të mëdha të drogës, të llojit kokainë", thuhet në njoftimin e policisë së Elbasanit. Pas arrestimit të 40- vjeçarit Besnik Çapja ka reaguar avokati i tij. Në një prononcim për "News 24", avokati i zgjedhur Alban Qafa mohon lidhjen me fisin Çapja, të njohur në këtë qytet dhe i përmendur për disa ngjarje kriminale.
REAGIMI I AVOKATIT
Alban Qafa sqaroi se klienti i tij, Besnik Çapja ka mbiemër tjetër nga lindja, Besnik Çapja është dënuar nga Gjykata e Torinos me 6 vjet e 4 muaj burgim, për kryerjen e veprës penale të "Pjesëmarrjes në Organizatë kriminale, me qëllim trafikimin e lëndëve narkotike".
ashtu si i familjes së tij. "Sqaroj në cilësinë e avokatit se: I arrestuari mbrëmë në Elbasan për llogari të Interpolit, me qëllim ekstradimi drejt Italisë. Nuk ka asnjë lidhje farefisnore me fisin Çapja. Mbiemri i tij nga lindja është Bylyku dhe i familjes së tij. Më pas e ka ndërruar në Çapja", tha avokati Alban Qafa.