Ambasada amerikane: Ndihmë për viktimat e dhunës, pavarësisht statusit të imigrimit
Ja informacioni që i ofrohet kandidatëve
Viktimat
e dhunës në familje mund të marrin ndihmë nga Shtetet e Bashkuara të Amerikës, pavarësisht statusit të tyre të imigrimit. Ky njoftim është bërë me dije ditën e djeshme në faqen zyrtare të ambasadës amerikane. "Në Shtetet e Bashkuara të gjitha viktimat e dhunës në familje, pavarësisht statusit të tyre të imigrimit, mund të kërkojnë dhe të marrin ndihmë",- citon ambasada. Departamenti Amerikan i Shtetit shpreh mirëseardhjen për të gjithë ata që po emigrojnë për të jetuar e punuar në "tokën e premtuar", normalisht duke qenë zbatues të rregullt të ligjit. Nëpërmjet një website- i
MBROJTJA
"Sulmet seksuale dhe abuzimi i fëmijëve janë të paligjshëm në Shtetet e Bashkuara dhe të gjithë njerëzit në SHBA janë të garantuar me ligj nga abuzimi. Të gjithë viktimat e dhunës në familje, pavarësisht nga statusi i imigracionit, mund të kërkojnë dhe të marrin ndihmë."- citohet në faqen zyrtare të Departamentit Amerikan të Shtetit.
dhe pamfleti, të gjithë kandidatët që do të aplikojnë për vizat K- 1 si të fejuar të shtetasve amerikanë, viza K- 3 e IR- 1 / CR- 1 si bashkëshortë të shtetasve amerikanë, dhe
viza F2A si bashkëshortë të banorëve të përhershëm të ligjshëm të SHBA, mund të informohen mbi të drejtat e tyre ligjore lidhur me dhunën në familje, sulmet seksuale dhe abuzimin e fëmijëve. Gjithashtu, aplikantët kanë të drejtë të marrin informacion në lidhje me ndonjë të shkuar kriminale mbi të fejuarin/ ën apo bashkëshortin/ en amerikane. "Ne e kuptojmë se nuk mund të njiheni me gjithë ligjet në këtë vend. Ne duam që ju të dini, në të gjitha rrethanat, se dhuna në familje, sulmet seksuale dhe abuzimi i fëmijëve janë të paligjshme në Shtetet e Bashkuara dhe se të gjithë njerëzit në SHBA janë të garantuar me ligj nga abuzimi. Të gjithë viktimat e dhunës në familje, pavarësisht nga statusi i imigracionit, mund të kërkojnë dhe të marrin ndihmë."- citohet në faqen zyrtare të Departamentit Amerikan të Shtetit. Më tej ky i fundit thekson se gjatë përgatitjes për intervistën për vizë, aplikanti, gjithashtu, do të duhet të sigurohet që të ketë gati të gjithë dokumentacionin e kërkuar duke përfshirë aplikimin e plotësuar për vizë.