Trafikimi i 2.5 tonëve drogë në Itali, lihet në burg nënkomisari i policisë së Fierit e 6 të tjerë
Prokuroria: Shmangu skanerin e kamionit në port
TIRANË - Gjykata e Krimeve të Rënda caktoi dje masën e sigurisë "arrest me burg" për nënkomisarin e policisë së Fierit, Festim Lelaj dhe 6 të dyshuarit e tjerë për lidhje me një grup kriminal, që trafikoi në janar të këtij viti 2.5 tonë drogë nga Shqipëria në Ankona. Në bankën e të akuzuarve u ulën edhe dy policët Gëzim Dervishi e Agron Kapllani; doganieri Altin Katundi; agjenti doganor Mikail Hila si dhe Skënder Siceqa dhe Arbi Mustafa. Asnjëri prej
HETIMI
Sipas prokurorisë, grupi kriminal është hetuar për më shumë se një vit, në të njëjtën mënyrë siç është hetuar edhe grupi i Habilajve, i cili trafikonte lëndë narkotike nga Vlora drejt Italisë me gomone.
të pandehurve nuk e pranoi akuzën, duke mohuar lidhjen me grupin kriminal. Ndërkohë, prokuroria tha se në bashkëpunim me njëri- tjetrin, ata kanë favorizuar trafikimin me kamion të lëndës narkotike, që u bllokua në Ankona në janar të këtij viti. Përfaqësuesi
i organit të akuzës tha se ka prova të forta që nënkomisari Lelaj ka rolin e organizatorit në trafik. Në kohën kur u bllokua sasia rekord e drogës në Itali, Lelaj ishte me detyrë specialist krimesh në Dibër, ndaj prokurorët po hetojnë nëse hashashi është kul- tivuar në këtë qark, për t'u trafikuar më pas jashtë vendit. Sipas prokurorisë, kamioni me drogë kaloi nga porti i Durrësit, ndërsa ka dyshime se nuk u është nënshtruar procedurave standarde të kontrollit, duke mos u futur në skaner. Për këtë arsye, të dyshuar për përfshirje në grupin kriminal janë doganieri Katundi dhe agjenti doganor, Hila. Po sipas prokurorisë, në kohën kur punonjësi i policisë, Festim Lelaj punonte në portin e Vlorës ka lejuar trafikimin e 350 kg kanabis po me kamion. Muaj më parë për llogari të të njëjtit hetim janë vënë në pranga, edhe disa të dyshuar të tjerë.