“Kryeprokurori”, Basha: Puç Kushtetutës, qëndrimi i ambasadorëve, thikë pas shpine
SHBA- BE duan kryeprokuror për të mbyllur dosje, Rama: A ka budalla që e beson?! PD: Llalla duhet të qëndrojë në detyrë
Për kreun e PD- së, Lulzim Bashën, nuk ka krizë të zgjedhjes së kryeprokurorit, por krizë të dhunimit të Kushtetutës. Gjatë një bashkëbisedimi me gazetarët, Basha deklaroi dje se nuk mund të ketë kryeprokuror që nuk ka kaluar vetingun dhe se ai zgjidhet me 3/ 5 nga Kuvendi, pas propozimit të KLP. "Nuk kemi krizë të zgjedhjes së kryeprokurorit, por kemi krizë të dhunimit të Kushtetutës dhe të bllokimit të reformës në drejtësi. Duhet të marrin fund propozimet e pazareve politike në kurriz të Kushtetutës", deklaroi kryetari i PD. Me Kushtetutë në dorë, Basha lexoi nenet në lidhje me Prokurorin e Përgjithshëm. "Prokurori i Përgjithshëm zgjidhet me 3/ 5 e Kuvendit, për një mandat 7- vjeçar. Kandidaturat duhet të propozohen nga KLP. KLP përzgjedh dhe rendit tre kandidatët më të kualifikuar dhe ia përcjell Kuvendit. Mbarimi i mandatit të kryeprokurorit deklarohet me vendim të KLP. Vetëm KLP përcakton se kur mbaron mandati i kryeprokurorit. Kushtetuta sanksionon se kandidatët për kryeprokuror duhet të kalojnë vetingun. Kushtetuta ka afate që sanksionojnë krijimin e KLP dhe zbatimin e reformës në drejtësi. Afati i fundit i krijimit të KLP ishte në prill të 2017. Kushtetuta nuk lë hapësira për periudha tranzitore dhe të përkohshme", tha kryetari i PD. Z. Basha bëri të qartë se zgjedhja e kryeprokurorit të përkohshëm në këtë situatë do të ishte nul. Basha paralajmëroi protesta dhe betejë ligjore ndaj mazhorancës, në rast të një vendimi të njëanshëm. "Një mandat i siguruar në shkelje të Kushtetutës është nul. Do ndërmarrim çdo hap institucional dhe do të