Shpërblim fundviti për punonjësit e Bashkisë së Tiranës, Veliaj: Vlerësim për sakrificën
Përurohet salla e re operative e emergjencës
Punonjësit
e Bashkisë të Tiranës, do të përfitojnë shpërblim me rastin e festave të fundvitit. Ky lajm është bërë me dije, nga kryebashkiaku Erion Veliaj, i cili theksoi se kjo është një formë për të vlerësuar punën, mundin e sakrificën e tyre. "Edhe këtë fundvit do të japim një shpërblim për të gjithë punonjësit tanë të Bashkisë së Tiranës, sidomos ata të emergjencave, jo se paratë bëjnë diferencën, por për të treguar se për ne sakrifica njerëzore është po aq e dobishme, në mos më e dobishme se sa infrastruktura", - tha Veliaj gjatë përu-
FALENDERIMI
Në 5- vjetorin e themelimit të Emergency Response Albania ( ERA), Erion Veliaj, i shoqëruar nga ambasadori i Zvicrës në Shqipëri, Christoph Graf, mori pjesë në përurimin e sallës së re dhe të autoambulancës. Kryetari i bashkisë falënderoi të gjithë ata që kanë kontribuar për përmirësimin e shërbimit dhe vlerësoi kontributin e punonjësve të zjarrfikësve dhe të punonjësve të emergjencave.
rimit të sallës së re operative të shërbimit të emergjencave dhe të një autoambulance moderne. Këto të fundit do të jenë në shërbim të qytetarëve
24 orë në 7 ditë të javës në kryeqytet. "Respekt për ata që shërbejnë, një pakicë e shoqërisë që del nga rehatia e vet për të sakrifikuar për të tjerët. Unë besoj që kemi nevojë për këtë kulturë në kombin tonë. Është shtuar respekti për uniformën e policisë, për punën e zjarrfikësit, për bluzën e bardhë të mjekut, por ende nuk jemi aty ku duhet", - theksoi në fjalën e tij kryebashkiaku. Në 5- vjetorin e themelimit të Emergency Response Albania ( ERA), Erion Veliaj, i shoqëruar nga ambasadori i Zvicrës në Shqipëri, Christoph Graf, mori pjesë në përurimin e sallës së re dhe të autoambulancës. Kryetari i Bashkisë falënderoi të gjithë ata që kanë kontribuar për përmirësimin e shërbimit dhe vlerësoi kontributin e punonjësve të zjarrfikësve dhe të punonjësve të emergjencave. "Më vjen mirë që Fondacioni Zviceran për Inovacionin ka qenë një bekim për ne, për qytetin tonë dhe komunitetin",- tha ai, duke i cilësuar punonjësit e shërbimit zjarrfikës dhe të urgjencave si heronjtë e heshtur të qytetit.