Berisha: Kisha një qen që vetëm lehte. Rama: Sot i turr të sulmojnë
Kryeministri e quan llaxore paraardhësin, i kërkon ta "tërheqë në strofull" Nokën "Rrugaç dhe drogaxhi", Noka përjashtohet nga Kuvendi
Gjatë debatit për përmbytjet, Rama u kërkoi deputetëve të PD ta marrin me qetësi, ndërsa citoi shprehjen e Metës "me qetësi dhe dashuri". Rama shtoi se presidenti ndodhet mes demokratëve me shpirt. "Merreni me qetësi dhe dashuri, siç ka thënë presidenti, që edhe pse nuk është këtu, ndodhet mes jush me shpirt", tha Rama.
Ish- kryeministri Sali Ber isha dhe kryeministri Rama u përfshinë dje në replika të forta sa u takon përmbytjeve dhe krimit. Përplasja ka shkuar deri në fyerje personale, të cilat deputetit Flamur Noka i kushtuan përjashtimin nga seanca e parlamentit. Rama akuzoi Partinë Demokratike se kur la pushtetin, rezervat e shtetit ishin bosh, por ishkryeministri tha se qeveria e Ramës ka braktisur qytetarët dhe mbron grupet kriminale. "Ti hyn tek ata që e dinë sa bëjnë shtatë herë shtatë. Lorenc, hajde këtu tani dhe jep përgjigje këtu. Nuk ka problem. Nëse mbështet projektin qorr të Saliut, je në lartësinë që të kërkon detyra e përfaqësimit në këtë grup, që vetëm me sytë e veta, me mendjen e vet nuk mendon, se ja ku i ka sytë, ja ku e ka mendjen dhe ja ku e ka ' iPad'- in që ju komandon të gjithëve ju. The që nuk e kam në natyrë të bëj batuta, është çështje aftësie. Ti nuk e ke këtë aftësi", theksoi z. Rama. Por i menjëhershëm ishte reagimi i ish- kryeministrit Berisha: "Dije këtu o injorant, që ke vetëm injorancën se nuk u hapën digat, se digat është të ulësh kokën nga apokalipsi. A e morët vesh që kishte çuar don Agaçion për t'i nxjerrë në Katania doku- mentin e falsifikuar? A nuk e denoncuam këtu në Parlament apo jo? Fol mo për këto. Po Balili të ka në grusht ty, fol e për Balilin po deshe. Po videon e orgjive të tua në ' Santa Quaranta' ua ka dorëzuar të gjithëve?". Por replika e mëtejshme e kryeministri solli edhe debatin e ashpër në Kuvend: "Kur s'kam bërë e kur nuk bëj politikë me emra kriminelësh e me emra krushqish, e me emra… Këtë e ke ti si, llaxorja më e madhe e këtij vendi, historikisht ty ta kemi lënë. Ke bërë edhe kazanin dixhital atje, vazhdo". Berisha iu kundërpërgjigj: "Tani del këtu shpesh e shan me fjalë që nuk i përdor kurrë, fyen me fjalë që s'i përdor kurrë. Po unë do t'u them miqtë e mi, asnjëherë mos i reagoni. Ne në shtëpi kishim dy qen, njëri ishte i madh, tjetri një këlysh, le- hte gjithë ditën, më mërziste shumë. Kuç mos leh - i thosha unë. - Ça ke Sali? - më thoshte gjyshja. - Më çmendi ky këlyshi gjyshe - i thosha unë. - Po çmend veten ti, se nuk i thuhet këlyshit mos leh, se ai leh më shumë - më thoshte gjyshja". Pikërisht e gjithë situata është ndezur kur kryeministri vendosi të replikojë me Sali Berishën, i cili e quajti "injorant" që s'ia kishte haberin pse ishte përmbytur Shkodra. Kur Rama ia ktheu me fjalën "llaxore", më shumë se sa Berisha nuk duroi dot Flamur Noka. E ndërsa deputeti i PD- së fliste nga vendi, kryeministri replikën e kishte me Berishën. "Nga cili pyll e ke nxjerrë o Sali", dëgjohej ai. Edhe pse kryeparlamentari Ruçi i tërhoqi vëmendjen pesë herë rresht, Noka vijoi me të tijën. Pas këtij momenti, Ruçi kërkoi ta përjashtonin, pasi deputeti i dëgjua t'i drejtohej kryeministrit me fjalët: "Je rrugaç, drogaxhi".