Iu vendos eksploziv pranë makinës, 30- vjeçari: S'kam konflikte me askënd
Shoqërohen 7 persona, në "sitë" kamerat e sigurisë së bizneseve "Kam disa kohë që kam marrë një lokal me qira"
Nuk kam konflikte me askënd. Nuk kam marrë kërcënime dhe nuk kam dijeni se kush mund ta ketë vendosur eksplozivin afër makinës time. Kam disa kohë që kam marrë një lokal me qira". Kështu ka deklaruar në policinë e Vlorës, 30- vjeçarit Endrit Sabaudinaj, pronari i automjetit "Mercedez Benz" me targa AA 233 OX, afër të cilit u gjet lënda plasëse. Pas ngjarjes së ndodhur mbrëmjen e së premtes në lagjen "Uji i Ftohtë" të qytetit bregdetar, policia ka shoqëruar dhe marrë në pyetje 7 persona, dëshmitarë në kohën kur dyshohet se pranë mjetit të 30- vjeçarit është hedhur lënda plasëse. Mësohet se dëshmitë e dhëna nuk kanë ndihmuar shumë në zbulimin e autorit/ ëve të krimit. Ndërkaq, burime zyrtare nga Drejtoria e Policisë së Qarkut të Vlorës dje bëjnë me dije se pas sinjalizimit nga pronari i mjetit për vendosjen e eksplozivit, specialistët e Njësisë Speciale Antieksploziv kanë mbërritur në vendngjarje dhe kanë bërë vlerësimin e situatës. Sipas specialistëve, pakoja e gjetur ka rezultuar të jetë lëndë eksplozive artizanale ( 500 gr). Ata kanë kryer menjëherë asgjësimin e saj, ( shpër- thimin e kontrolluar). Ndërkohë grupi hetimor po punon për zbardhjen e plotë të rrethanave të kësaj ngjarjeje dhe identifikimin e autorit/ ëve të vendosjes së kësaj sasie eksplozivi". Gjith- ashtu, mësohet se hetuesit e çështjes kanë këqyrur edhe kamerat e sigurisë së një lokali në afërsi të vendit ku ndodhi ngjarja. Në filmime, shihet një person që lëviz pranë mjetit, i pamaskuar. Pavarë- sisht pamjeve, personi që lëviz nuk dallohet qartë për shkak të errësirës. Endrit Sabaudinaj është pronar i lokalit, ku në prill të këtij viti u vra një person dhe u plagosën tre të tjerë. Në këtë ng- jarje mbeti i vrarë Ergys Gjioveshi. Policia arrestoi ai autor të dyshuar 19- vjeçarin Gani Tozaj. Ndërsa në kërkim vazhdon të jetë personi, i cili dyshohet se e ka qëlluar Gjioveshajn, Arianit Kondi.