Shkodër, ekzekutohet në makinë 32- vjeçari Angjelin Shkambi
Në arrest shtëpie për kultivim kanabisi, u lirua me kusht nga gjykata në prill të 2017- ës I riu u qëllua me 3 plumba në dalje të varrezave
Një 32- vjeçar është ekzekutuar me tre plumba paraditen e së dielës brenda në automjetin e tij, në Grudë të Shkodrës. Policia bën me dije se viktima është shtetasi Angjelin Shkambi. Sipas burimeve zyrtare, ai ka qenë i dënuar për trafik lëndësh narkotike dhe është liruar me kusht nga burgu në prill të këtij viti. Uniformat blu u njoftuan nga kalimtarë të rastit për ngjarjen në fjalë. Sipas të dhënave zyrtare, dje rreth orës 11: 10, salla operative është njoftuar se në rrugën që të çon tek varrezat e "Stom Golemit" ndodhej një person në një makinë pa shenja jete. Shërbimet e policisë kanë shkuar menjëherë në vendngjarje, ku kanë konstatuar se në mjetin tip "Benz" me targa AA 275 BF ndodhej trupi i pajetë i shtetasit Angjelin Shkambi, 32 vjeç, i vrarë me armë zjarri nga persona akoma të paidentifikuar. Policia ngriti postblloqe të shumta në zonë, me qëllim kapjen e autorëve të krimit, por pa ndonjë rezultat.
NGJARJA
Policia e Shkodrës bën me dije se në drejtim të viktimës Angjelin Shkambi është qël-
luar tri herë me pistoletë, ku një prej plumbave e ka kapur në kokë, duke i shkaktuar vdekjen. Ndërsa në vendngjarje janë gjetur dhe sekuestruar tri gëzhoja pistolete. Dy gëzhoja u gjetën brenda në krahun e pasagjerit, kurse një gëzhojë jashtë makinës.
Ka dyshime të forta se Shkambi është qëlluar nga një person që udhëtonte së bashku me atë. Nuk dihen ende rrethanat, por dyshohet se autori e ka qëlluar viktimën me pistoletë nga një distancë e afërt. Pamjet e siguruara nga vendi i ngjarjes tregojnë
se makina ndodhet shumë pranë rrugës, në një zonë me lëvizje dhe e rrethuar nga shitës ambulantë që shesin lule pranë varrezave, por askush nuk kishe dëgjuar të shtëna, ndërsa hetuesit mendojnë se ekzekutimi ka ndodhur orët e para të
mëngjesit. Sakaq, motivi i krimit mbetet ende i paqartë, ndonëse burime policore thanë se po hetohet e kaluara e viktimës. Në mbështetje të veprimeve që po kryhen nga D. V. P. Shkodër për kapjen e autorëve, kanë shkuar edhe grupe të FNSH- së. Ndërkohë, grupi hetimor po vazhdon hetimet për zbardhjen e plotë të ngjarjes dhe arrestimin e autorëve të këtij krimi.
VIKTIMA
32- vjeçari i ekzekutuar këtë të diel në Shkodër nuk është emër i panjohur për policinë. "Gazeta Shqiptare" mëson se Angjelin Shkambi ka qenë i arrestuar në 16
prill të këtij viti. Të dhënat e para tregojnë se viktima Shkambi ka qenë nën akuzë për trafik lëndësh narkotike. Shkambi është arrestuar së bashku me një grup prej 13 personash. Ata u akuzuan për kultivimin e rreth 3000 bimëve kanabis. Shkambi u la në arrest me burg nga gjykata e Shkallës së Parë në Shkodër, ndërsa Apeli rrëzoi këtë vendim dhe vendosi "arrest me shtëpie". Masa e sigurisë ndaj tij ishte në fuqi, por Shkambi e ka thyer mëngjesin e djeshëm, ndërsa u ekzekutua në dalje të varrezave të fshatit Grudë, në periferi të Shkodrës.