Deputetët e opozitës pushtojnë foltoren, përplasje me Gardën
PD- LSI, 3 orë protestë te Kuvendi, kundër kryeprokurores së përkohshme Garda hap çadrat, mbron Ramën dhe Ruçin
Opozita protestoi dje brenda dhe jashtë Par lamentit në tentativë për të bllokuar zgjedhjen e kryeprokurores së përkohshme, Arta Marku. Deputetët e opozitës u konfrontuan disa herë me Gardën e Kuvendit, ndërkohë që situatë e tensionuar ishte edhe në radhët e protestuesve para selisë së Parlamentit. Pas përplasjes me punonjësit e Gardës, deputetët e opozitës hodhën tymuese në Kuvend kur po votohej rendi i ditës. Ka qenë kjo situata më e fundit në Kuvendin e Shqipërisë. Tymueset janë hedhur nga deputetët e PD, Flamur Noka, Ervin Salianji dhe Endri Hasa. Dy nga tymueset janë hedhur në drejtim të kryeministrit Edi Rama dhe kryetarit të Kuvendit, Gramoz Ruçi. Protagonistë të kësaj situate kanë qenë kryesisht deputetët e PD, ndërsa ata të LSI kanë qëndruar më të tërhequr. Ndërkohë, për të bërë të pamundur votimin për zgjedhjen e kryeprokurores, deputetët e opozitës kanë marrë kartat e votimit nga ulëset e përfaqësuesve të mazhorancës. Kreu i grupit parlamentar socialist, Taulant Balla i ka zëvendësuar ato me kartat e ulëseve të deputetëve të opozitës. Kaosi bëri që drejtuesi i seancës, Gramoz Ruçi ta ndërpresë dy herë atë. Z. Berisha tentoi të marrë fjalën pasi foli për procedurë Lulzim Basha, i cili kërkoi që mazhoranca të tërhi- qej nga nisma e zgjedhjes së kryeprokurorit, ndërsa Taulant Balla foli gjithashtu për procedurë, por për një nismë të Shoqërisë Civile për fëmijët e sëmurë me leuçemi. Në këtë moment, Berisha kërkoi fjalën, por nuk iu dha nga Ruçi, çka solli përplasjen e ishkryeministrit dhe deputetit Flamur Noka me Gardën. Pas tyre në foltore mbërritën edhe deputetë të tjerë të PD si Gent Strazimiri, Luçiano Boçi dhe Klevis Balliu, duke krijuar momente tensioni në sallën e Kuvendit. Seanca rinisi pas disa minutash, por nuk pati asnjëherë momente qetësie në sallë. Pas rrëzimit të kërkesës për të hequr nga rendi i ditës zgjedhjen e kryeprokurorit, PD kundërshtoi fort, ndërsa Basha kërkoi sërish fjalën në foltore. Refuzimi i Ruçit solli sërish deputetët e opozitës për- para foltores, duke u përplasur për herë të dytë me punonjësit e Gardës. Ranë në sy edhe deputetët e LSI- së teksa shtynin gardistët. Opozita e quajti zgjedhjen e kryeprokurorit nga mazhoranca si tentativë për të mbyllur çështjen e drogës. Ndërsa gjatë votimit të Arta Markut, deputetët e PD hodhën ngjyrues duke krijuar një situatë aspak të këndshme. Tymuese me ngjyrë janë hedhur në drejtim të kryeministrit Rama gjatë kohës kur deputetët e PS- së do votonin kryeprokurorin e përkohshëm. Teksa hidhej tymuese në drejtim të Ramës, punonjësit e Gardës i janë afruar atij dhe Ruçit për t'i mbrojtur me çadër duke u çuar në këmbë. Ndërkohë, jashtë dyerve të Kuvendit protestuesit e PD- së dhe LSI tentuan të çajnë kordonin e policisë dhe të futen në Kuvend, pas fjalimit të Monika Kryema- dhit. Pasi u kalua rrethimi i parë i policisë, ishte ndërhyrja e Forcave Speciale që rivendosi kordonin dhe sprapsjen e protestuesve. Protestuesit kanë hedhur tymuese dhe ngjyrues në drejtim të policëve. Protesta përfundoi pas disa orësh tensione para Kuvendit.