PD nxjerr procesverbalin: I pavlefshëm, ndjekje penale
Votimi për kryeprokuroren e përkohshme
e PD denon cuan procesverbalin e votimit në Kuvend për kryeprokuroren, ku vërtetohet falsifikimi dhe manipulimi i votës së deputetëve. Sipas procesverbalit, në votim kanë marrë pjesë me votë pro disa deputetë të opozitës, ç'ka vërteton vjedhjen e votës në Kuvend. Deputeti Genc Pollo e vlerësoi këtë votim të paligjshëm, si dhe publikoi edhe foton ku karta e tij e votimit merrej nga kreu i socialistëve në Kuvend, Taulant Balla. PD pretendon se procesi i votimit të Prokurorit të Përgjithshëm të përkohshëm është falsifikuar. Përmes një dokumenti të publikuar në rrjetet sociale, deputetja demokrate Jorida Tabaku thotë se në të paktën dy raste Partia Socialiste ka përdorur kartat e deputetëve demokratë. Për deputeten Tabaku, ky veprim e zhyt edhe më shumë në paligjshmëri dhe antikushtetutshmëri procesin e zgjedhjes së Prokurorit të Përgjithshëm të përkohshëm. "Sot akti i zgjedhjes se PPP ( Prokurorit të Përkohshëm të Për- gjithshëm) përveçse një puç kushtetues, ishte edhe një proces i falsifikuar. Të paktën në dy raste deputetët e Partisë Socialiste kanë marrë kartat dhe kanë votuar, duke e zhytur akoma dhe më shumë në paligjshmëri dhe antikushtetutshmëri këtë proces. Ky proces nisi dhe bitisi si i pavlefshëm!", u shpreh Tabaku. Po ashtu reagoi edhe deputeti Genc Pollo, emri i të cilit ndodhet në listën e atyre që votuan Arta Markun. "Këta falsifikojnë edhe emrin e tyre, jo më votën time! Votimi i PPP, i paligjshëm e i pavlefshëm" shkruan Pollo. Deputeti Ervin Salianji tha se do të ketë ndjekje penale për vjedhjen e votës së deputetëve në Kuvend. "Ndjekje penale për vjedhjen dhe tjetërsimin e votës së deputetëve! Deputetë të mazhorancës vjedhin votën në sallën e Parlamentit, në prani të kamerave, të fotografëve dhe të çdo shqiptari që ndiqte këtë seancë. Mendoni çfarë kanë bërë me votën e qytetarëve. Mendoni çfarë kanë bërë dhe bëjnë me tenderat dhe aferat korruptive, që janë në dokumente që nuk i sheh dot publiku". Për deputetin Tritan Shehu, votimi është nul dhe antikushtetues. "Ajo që ka ndodhur në sallën e Kuvendit me kartat e deputetëve, e konfirmuar edhe në listën e votuesve për prokurorin e nulifikon me prova të pakundërshtueshme atë proces votimi", - tha Shehu.