Vendimi i opozitës, Basha: Në janar nisim valë protestash popullore
S'ka djegie mandatesh, PD- LSI: S'do rrimë duarkryq, fillimi i kryengritjes Kryeprokurorja, PD do ankimojë në Kushtetuese
Opozita do të nisë një valë të re protestash. Kreu i PD- së, Lulzim Basha paralajmëroi se protestat do të nisin që sot, ndërkohë që protesta e madhe popullore do të mbahet në javët e para të janarit. Pikërisht në funksion të këtij qëllimi ishte edhe mbledhja e përbashkët e tri grupeve parlamentare të opozitës, konkretisht PD- së, LSI- së dhe PR- së e zhvilluar mesditën e djeshme në selinë e PD- së. "Vendimi unanim i opozitës parlamentare është nisja e një vale protestash popullore për të ndalur çmendurinë e narko- kryeministrit, që sot është edhe kryeprokuror i vendit, duke rrëzuar shtyllat kushtetuese të bashkëjetesës demokratike të vendit. Vendimi unanim i opozitës parlamentare është nisja që sot e përgatitjes për një protestë popullore të madhe dhe kombëtare në javët e para të janarit", deklaroi z. Basha. Ndërkohë që me Parlamentin e delegjitimuar dhe ilegjitim, ne do të marrim vendimin më të mirë në interes të Shqipërisë dhe shqiptarëve. Parlamenti i dalë nga votat e vjedhura të 25 qershorit, sot u delegjitimua plotësisht", tha Basha pas mbledhjes së përbashkët të grupeve parlamentare opozitare. I pyetur nëse është pjesë e aksionit të opozitës djegia e mandateve, siç propozoi ish- kryedemokrati Sali Berisha, Basha bëri të qartë se vendimi i ardhshëm do jetë në interes të qytetarëve. "Me Parlamentin e delegjitimuar do ndërmarrim veprimet politike në interes të Shqipërisë dhe shqiptarëve", u përgjigj Basha. Ai akuzoi kryeministrin Edi Rama se emëroi një kryeprokurore pa veting për të mbyllur dosjet e krimit dhe korrupsionit. "Faktet për çdo qytetar janë të qarta. Pas tri vitesh përpjekje për reformën, sot është emëruar një kryeprokurore pa veting, vetëm me votat e një partie. Të partisë, zyrtarët e së cilës janë përpara dosjeve të krimit dhe korrupsionit. Rama ka ndërmarrë një puç kushtetues, Kushtetuta nuk lejon zgjedhje të prokurorit me 3/ 5. E bën për të mbyllur dosjet e krimit dhe korrupsionit, për t'i krijuar imunitet familjes së tij", - shpreh kreu i PD- së. Nga ana tjetër mësohet se Partia Demokratike do ankimojë në Gjykatën "Vendimi unanim i opozitës parlamentare është nisja e një vale protestash popullore për të ndalur çmendurinë e narkokryeministrit, që sot është edhe kryeprokuror i vendit, duke rrëzuar shtyllat kushtetuese të bashkëjetesës demokratike të vendit.